Համշեն տուր

Հայաստանի ամենաբարձր ջրվեժը և մեր երկրի ամենատպավորիչ անկյուններից մեկը՝ ԹՌՉԿԱՆԻ ՋՐՎԵԺԸ սպասում է՝ զովացնելու և թարմացնելու մեզ։ Գեղատեսիլ վայրում աղմկոտ և հզոր այս ջրվեժը չի կարող անտարբեր թողնել որևէ մեկի։ Դեպի ջրվեժ տանող գեղեցկագույն ճանապարհը կանցնենք բեռնատարով, ինչը մեր ուղևորությունն էլ ավելի հետաքրքիր ու հիշարժան կդարձնի։ Բացի այդ, այս ուղևորության ընթացքում մեր խումբը հնարավորություն կունենա տեսնելու մեր ճարտարապետության գլուխգործոցներից հոյակերտ ՀՈՎՀԱՆՆԱՎԱՆՔԸ, որի տարածքից նաև հրաշալի տեսարան է բացվում դեպի Քասախի կիրճը։ Երկու երնեկ՝ մեկ վայրում։ Ասել է, թե շտապեք միանալ մեզ՝ գունագեղ, էմոցիաներով լեցուն և զով օր ունենալու։