Համշեն տուր

Հետաքրքիր այս քայլարշավի միջոցով մենք կհասնենք Գեղամա լեռների հրաշալիքներից մեկի՝ Արմաղանի գագաթ, որտեղ մեզ է սպասում գեղատեսիլ խառնարային լճակը: Բացի այդ, լեռան խառնարանում հին մատուռի տեղում կառուցված է եկեղեցի, որը նույնպես կտեսնենք։ Իսկ մեր հրաշալի քայլարշավը սկսելու ենք ու ավարտելու ենք Մադինա գյուղում, որտեղ տեսնելու ենք նաև Սևանա լիճը սնուցող Արգիճի գետն իր հրաշալի հովտով: Մեր ուղևորությունը ևս մեկ հրաշալի կանգառ ունի՝ Կոթավանքն իր բազմաթիվ տպավորիչ խաչքարերով:

Քայլարշավը լինելու է մոտ 9 կմ, լեռան բարձրությունը՝ 2829 մետր, հարաբերական բարձրությունը՝ շուրջ 600 մետր։

Քայլարշավի համար պետք է`

• արշավային կոշիկ,
• արշավային հագուստ,
• արևապաշտպան միջոցներ (ակնոց, գլխարկ, քսուք)։

Մեկ օրվա հաշվարկով սնունդն ու ջուրը պետք է վերցնել ձեզ հետ։