ՎԵՐԵԼՔ ՋԻԼՈ 2024
Հայկական լեռնաշխարհի գեղեցկագույն անկյուններից Կորդվաց լեռների ամենաբարձր գագաթը՝ դժվարահասանելի ՋԻԼՈՆ է մեզ սպասում։ Երկար տարիներ լեռնագնացության համար ամբողջությամբ փակ լեռը մեզ համար դարձել է հասանելի և կընդունի իր գագաթը հասնել երազողներին։ Ջիլոյի վերելքը խոստանում է լինել անմոռաց ու ֆանտաստիկ։ Բացառիկ այս վերելքին միանալով՝ կարող եք դառնալ հայաստանյան առաջին լեռնագնացներից, որոնք հասել են Ջիլոյի բաղձալի գագաթ։ Ջիլոն միանշանակ կգրավի իսկական լեռնային վերելքի սիրահարներին, քանի որ այն մեր տարածաշրջանի հետաքրքիր ու բարդ վերելքներից է խոստանում։ Ջիլոն (Ջողա) մեր լեռնաշխարհի ամենաբարձր գագաթներից է՝ 4116 մետր բարձրությամբ, այն մերօրյա Թուրքիայի և Իրաքի սահմանագծին է՝ Թուրքիայի Հաքքարի նահանգում։ Վստահեք այս կարևոր ու պատասխանատու վերելքն Արևմտյան Հայաստանի առաջատար տուրօպերատոր Համշեն տուրին, որը մասնագիտացած է նաև լեռնագնացության ոլորտում։
Ջիլոյի վերելքը բարդ է, պարտադիր է մասնակցի լեռնային փորձը և լիարժեք լեռնային հանդերձանքն ու գույքը։ Մինչ ճամբար և ճամբարից հետ վրանները, սեփական հանդերձանքն ու գույքը տեղափոխելու են մասնակիցները (ալպինիստական ձևաչափ), վրանները տրամադրում ենք մենք։
Առաջիկա մեկնումներ՝
07.09 - 11.09, դիմելու վերջնաժամկետ՝ օգոստոսի 22
Մեկնում՝ 05:00,
ժամանում՝ 23:00,
հասցե՝ Թումանյան 8
Գինը՝ 160000 դրամ (սկսած (կախված խմբի քանակից))
Ներառում է`
բարձրակարգ տրոնսպորտը (Mercedes Sprinter/VW)
տեղացի ուղեկցորդի ծառայությունը վերելքի համար
հայ գիդի ծառայությունը
երկու անգամ սնունդը ճանապարհին և սնունդը վերելքի ընթացքում
3+ աստղանի հյուրանոց (երկտեղանի համարներ)
Ընկերությունը տրամադրում է վրան, ներքնակ
Չի ներառում`
ՀՀ քաղաքացիների համար Թուրքիայի մուտքի վիզան 15.000 դրամ է, այն պատրաստում է մեր ընկերությունը: Վիզան գնի մեջ ներառված չէ։
Ծրագիր
ՕՐ 1 | ԴԵՊԻ ԵՐԱԶ
մեկնում՝ Երևան-Գյումրի-Ախալքալաք-Կարծախ [Վրաստան]
Ծովակն Հյուսիսո լիճ
Արաքս գետ
անցում Մասիսի լանջերով
Բերկրիի ջրվեժ
ճաշ Վանում կամ ընթրիք Յուքսեքովայում
գիշերակաց՝ ՅուքսեքովաԴեպի Ջիլո մեզ տանում են այնքան հարազատ ու կարևոր ճանապարհներ։ Չէ՞ որ տեսնելու ենք Ծովակն Հյուսիսո լիճը, մոտենալու ենք նաև Մայր Արաքսին։ Անցնելու ենք Մասիս լեռան լանջերով և վայելելու ենք լեռան տեսարանը Բայազետի կողմից։ Թարմանալու ենք Բերկրիի չքնաղ ջրվեժի մոտ, որից հետո Վանա լճի ափերով ճանապարհվելու ենք Վան քաղաք, ապա և Յուքսեքովա քաղաք, որտեղ մեր հյուրանոցն է։
ՕՐ 2 - 3 - 4 ՍԱՐՆ Ի ՎԵՐ
Տեղափոխություն մեկնարկի կետ
Վերելք ճամբար
Վերելք Ջիլոյի գագաթ
Վերադարձ ճամբար
Վերադարձ հյուրանոց
գիշերակաց՝ Ջիլոյի ճամբար և ՅուքսեքովաԵրկրորդ օրվա առավոտյան, նախաճաշելով հյուրանոցում, մեքենաներով կմոտենանք լեռան ստորոտին, որտեղից արդեն կսկսենք քայլել դեպի վրանային ճամբար, որտեղ կհանգստանանք, կընթրենք ու կգիշերենք։ Հաջորդ օրը վաղ առավոտյան կսկսենք դեպի գագաթ վերելքը, ուր հասնելուց և այն լիարժեք վայելելուց հետո կվերադառնանք ճամբար՝ կազդուրվելու ու գիշերելու։ Հաջորդ օրն առավոտյան կսկսենք իջնել դեպի մեկնարկի կետ, որտեղից մեքենաներով կմեկնենք Յուքսեքովայի մեր հյուրանոց՝ վաստակած հանգստի։ Այս ընթացքում դեպի ճամբար և ճամբարից հետո գույքը, հանդերձանքը, սնունդը տեղափոխելու ենք ինքնուրույն (ալպինիստական ոճ)։
Վերելքի մեկնարկի կետից (ծովի մակարդակից մոտ 2000 մետր) դեպի ճամբար քայլարշավի երկարությունը մոտ 7 կմ է, հարաբերական բարձրությունը՝ մոտ 1000 մետր։ Ճամբարից գագաթ քայլարշավի երկարությունը 5 կմ է, հարաբերական բարձրությունը՝ մոտ 1100 մետր։ Լեռան բարձրությունը 4116 մետր է։
ՕՐ 5 | ՎԵՐԱԴԱՐՁ
նախաճաշ հյուրանոցում
Վանա լճի ափին ազատ ժամանակ
ճաշ Կարսում կամ Բայազետում
վերադարձ՝ Կարս-Ախալքալաք-Երևան:Վերադարձի օրն անգամ խոստանում է տպավորել։ Հրաժեշտ տալով Կորդվաց աշխարհին՝ Վանա լճի ափերով կշարժվենք առաջ, սակայն Ջիլոյի գեղեցկությունն ու հզորությունը վայելածներն արժանի են նաև ազատ ժամ ունենալ Վանա լճի ափերին, ինչն էլ սիրով կկազմակերպենք։ Այնուհետև, կշարժվենք Բայազետ ու Կարս, որտեղ կճաշենք ու կվերադառնանք Երևան։
