ԻՐԱՆ 4 ՕՐ

ՊԱՐՍԿԱՀԱՅՔ ՋՈՒՂԱ ՄԱԿՈՒ ԽՈՅ ՍԱԼՄԱՍՏ ՈՒՐՄԻԱ ԹԱՎՐԻԶ ՄԵՂՐԻ

Մեզ հետ այցելեք Պարսկահայք և քառօրյա հրաշալի ուղևորության ընթացքում ծանոթացեք Իրանում հայկական մշակութային գլուխգործոցներին, այդ թվում՝ տեսեք հռչակավոր Սուրբ Ստեփանոս Նախավկայի և Սուրբ Թադեի վանքերը, Ծործորի եկեղեցին, քարանձավային Քանդովանը և Արևելքի գոհարներից Թավրիզը, հայկական շնչով Խոյը, Մակուն, Ջուղան և Սալմաստը, զարմանահրաշ Ուրմիա (Կապուտան) լիճը, Մայր Արաքսը, Տղմուտ գետն ու Ավարայրի դաշտը, Մասիսը «մյուս» կողմից: Բացի հայկական պատմական ժառանգությունը, կտեսնեք նաև մեր բնության գլուխգործոցներ, ինչպես և այդ հատվածի այլ կարևոր տեսարժան վայրեր: Նախատեսվում է նաև յուրօրինակ պտույտ Մեղրիում, որտեղ կարող եք տեսնել քաղաքի պատմական մի շարք վայրեր:

Մեկնում՝ 

1:00 | Մարզահամերգային համալիրի դիմաց

Արժեքը՝
79000 դրամ
Ներառում է՝

3 և 4 աստղանի հյուրանոցներ

տրանսպորտ

2 անգամյա սնունդ

հայախոս գիդի ծառայություն

տեսարժան վայրերի մուտքավճարներ

Իրանի մուտքի ապահովագրություն

Մանրամասն Ծրագիր

ՕՐ 1

Մեկնարկելով Երևանից և հասնելով Մեղրի՝ մենք կհատենք հայ-իրանական սահմանն Արաքս գետի վրա: Մեր հրաշալի ուղևորության առաջին կանգառը կլինի բնության գլուխգործոց Ավերակ ջաղաց ջրվեժը, որը թարմություն կհաղորդի մեզ ու առավել կտրամադրի հիանալի ճամփորդությանը: Այնուհետև, մենք կճաշենք Հին Ջուղայում (Ջուլֆայում), որից հետո կբացահայտենք հայկական եկեղեցաշինության յուրօրինակ նմուշ Հովվի մատուռն Արաքսի ափին, ինչպես և երբեմնի վաճառաշահ Ջուղայի խոշոր քարավանատներից մեկը, որը կառուցել է հայ վաճառական Խոջա Նազարը: Պահն է ոչ միայն հայկական, այլ նաև համաշխարհային ճարտարապետության գլուխգործոց Սուրբ Ստեփանոս Նախավկայի վանական համալիր այցելության: Սուրբ Ստեփանոսի վանքը հիանալի պահպանված տպավորիչ կառույց է, որը նաև ՅՈւՆԵՍԿՕ-ի պատմական ժառանգության ցուցակում է: Մենք կբացահայտենք բացառիկ քանդակներով զարդարված գործող այս եկեղեցին ու նրանց կից հետաքրքրագույն այլ կառույցներ: Այս անկրկնելի ու ֆանտաստիկ վայրից հետո մեր ուղին Արաքսի ափով կշարունակվի Մակու, իսկ ճանապարհին մենք կտեսնենք սահմանից այն կողմ Օրդուբադն ու Նախիջևանը: Ընթրիքն ու գիշերակացը Մակու քաղաքում են՝ Մասիսի ու Սիսի լանջերին…

մեկնում Երևանից Մեղրի

- Ավերակ ջաղաց ջրվեժ,

Ճաշ Ջուղայում

- Հին Ջուղա. Հովվի եկեղեցի և Խոջա Նազարի քարավանատուն,

- Սուրբ Ստեփանոս Նախավկայի վանք,

- Արաքսի գետափ և Նախիջևանի համայնապատկեր,

ընթրիք՝ Մակու գիշերակաց՝ Մակու:

ՕՐ 2

Մեր ճամփորդության երկրորդ օրը խոստանում է բացահայտումների ու զգացումների հսկա չափաբաժին: Ժամանակն է գնալ Ծործորի հրաշագեղ եկեղեցին, որի ճանապարհից էլ բացվում է տիեզերական տեսարան դեպի Սիսն ու Մասիսը՝ «հակառակ կողմից» Մակուի համայնապատկերով: Բիբլիական Արարատի տեսարանը վայելելուց հետո կայցելենք Ծործորի եկեղեցին, որը ևս մեկ հայկական եկեղեցի է Իրանում՝ ընդգրկված ՅՈւՆԵՍԿՕ-ի պատմական ժառանգության ցանկում: Սուրբ Թադեի վանական համալիրը կարևորագույն սրբավայր է, միևնույն ժամանակ, ճարտարապետական փառահեղ կոթող: Եկեղեցու բազմադարյա պատմությունը, կառույցն իր ճոխ ու աննման քանդակներով ուղղակի ստիպում են քարանալ ու փորձել որսալ ամեն դետալ: Սուրբ Թադեի վանքից դեպի Խոյ քաղաք ու Խոյի Սուրբ Սարգիս եկեղեցի մենք կանցնենք այն տարածքով, որոնք մասնագետները համարում են Ավարայրի դաշտը: Խոյում ճաշելուց հետո կմեկնենք Սալմաստ, ուր կտեսնենք Հաֆթվան ու Փայաջուկ գյուղերը: Հաֆթվանը հայտնի է իր հնամենի Սուրբ Գևորգ եկեղեցով և եկեղեցու հարևանությամբ հանդիսասրահ/թատրոնով, իսկ Փայաջուկ գյուղում է ծնվել հայ մեծանուն գրող Րաֆֆին, որտեղ դեռ կարելի է գտնել նրա հայրական տան վայրը: Հրաշալի ու հագեցած օրվանից հետո ժամանակն է հանգստի Սալմաստ քաղաքում:

նախաճաշ հյուրանոցում

- Արարատ լեռը «մյուս» կողմից և Մակու քաղաքի համայնապատկեր,

- Ծործորի եկեղեցի,

- Սուրբ Թադեի վանական համալիր,

- Ավարայրի դաշտի ենթադրյալ վայր ու Տղմուտ գետ,

ճաշ Խոյում

- Խոյ. Սուրբ Սարգիս եկեղեցի,

- Հաֆթվան (Սալմաստ). Սուրբ Գևորգ եկեղեցի,

- Փայաջուկ (Սալմաստ). Րաֆֆու ծննդավայրը,

Գիշերակաց՝ Սալմաստ:

ՕՐ 3

Սալմաստին մոտ կտեսնենք Սասանյանների ժայռաքանդակը ներկայիս Մինաս գյուղի մոտ, ուր հիշատակվում են հայերն ու Հայաստանը, որով այն փաստացի դառնում է այս տարածքների «հայկականության անձնագիրը»: Սալմաստից մեկնում ենք Հայկական բարձրավանդակի երեք խոշոր լճերից Կապուտան (Ուրմիա) ափերից թերևս ամենագեղեցիկը, որտեղ կտեսնենք հայտնի երկու ժայռերը: Պատմական այս պահից հետո կշարունակենք մեր ճամփան դեպի Թավրիզ, որտեղի ճամփան անցնում է Ուրմիա լճի կենտրոնով կառուցված կամրջի վրայով: Թավրիզին մոտ կայցելենք Քանդովան, որը քարանձավային հետաքրքրագույն բնակավայր է, ուր մարդիկ ապրում են անգամ մեր օրերում: Ճաշից հետո հաջորդ կանգառը Թավրիզ քաղաքն է, որն Արևելքի ուղղակի արտացոլումն է: Այստեղ մենք կայցելենք Թավրիզի պատմական շուկան, որն աշխարհի խոշորագույն փակ շուկաներից է և արևելյան բազարի դասական մարմնավորում: Թավրիզի տուրն այսքանով չի ավարտվի, քանի որ հաջորդ առավոտյան ևս մի շարք կարևոր կոթողներ ունենք տեսնելու պատմական հարուստ ժառանգությամբ այս քաղաքում:

նախաճաշ հյուրանոցում

- Մինասի ժայռաքանդակը՝ հայերի հիշատակումով,

- Ուրմիա (Կապուտան) լճի ափ,

- Քանդովան քարանձավային քաղաք,

ճաշ Թավրիզում/Քանդովանում

- Թավրիզի պատմական շուկա. ազատ ժամանակ,

գիշերակաց՝ Թավրիզ:

ՕՐ 4

Մեր ուղևորության վերջին օրը ևս հագեցած ու հետաքրքիր է: Նախ, առավոտյան կշրջենք Թավրիզում, որտեղ մեզ են սպասվում այցեր հայկական Սուրբ Մարիամ Աստվածածին ու Սուրբ Սարգիս եկեղեցիներ, Ատրպատականի հայոց առաջնորդարան: Հայկական հարուստ ժառանգությունից զատ, կտեսնենք Թավրիզի խորհրդանիշ Թավրիզի (Ալիշահի) կամարն ու բազմադարյա Կապույտ մզկիթը, որը ևս Թավրիզի այցեքարտերից է: Ավարտելով թավրիզյան պտույտը՝ կվերադառնանք հայ-իրանական սահման, որը հատելուց հետո մենք կանենք նաև յուրահատուկ ու բացառիկ տուր Մեղրի քաղաքում, ուր կտեսնենք Մեղրու վանքն ու գեղեցկագույն որմնանկարներով Սուրբ Աստվածածին եկեղեցին, ինչպես և Մեղրիի բերդի համայնապատկերը: Գորիսում ճաշելուց հետո ուշ երեկոյան կլինենք Երևանում՝ մեզ հետ բերելով հրաշալի հուշեր, նոր գիտելիքներ ու անկրկնելի զգացումներ…

նախաճաշ հյուրանոցում

- Թավրիզ. Հայկական եկեղեցիներ, Ատրպատականի Հայոց Առաջնորդարան, Թավրիզի կամար, Երկնագույն մզկիթ,

- Իրան-Հայաստան սահման,

- Մեղրի. Սբ Աստվածածին եկեղեցի, Մեղրու վանք, Մեղրու բերդ,

ճաշ Կապանում/Գորիսում վերադարձ Երևան:
Գին` 79000 դրամ (առանց վիզայի)
Դուք դեռ տուր չեք ընտրել