Համշեն տուր

Շարունակելով սահմանային կոթողներ մեր գերբացառիկ այցերը՝ մեկնում ենք Արագածավանի Սուրբ Երրորդություն, նույն ինքը՝ վեցխորան Գրիգորաշեն եկեղեցի։ Այն ոչ միայն մեր սահմանային հրաշք կոթողներից է, այլ նաև մեր պատմության հնագույն եկեղեցիներից մեկը, որն առանձնանում է իր հետաքրքիր ու յուրահատուկ ճարտարապետությամբ։ Արագածոտնի մարզի Արագածավան գյուղի մոտ, Ախուրյան գետի անմիջական ափին գտնվող և 7-րդ դարով թվագրվող Գրիգորաշեն եկեղեցին ՀՀ-ի տարածքում է, բայց սահմանային փշալարերից այն կողմ է և սովորական պայմաններում անհասանելի։ Հատուկ թույլտվությամբ բացառիկ հնարավորություն կստանանք այցելելու այս պատմական կառույցը և վայելելու Ախուրյանի ափի հերթական գլուխգործոցը։ Անչափ տպավորիչ, գերբացառիկ և ամբողջ կյանքում հիշելու ուղևորություն է սպասվում Ձեզ։