ՀԱՅԿԱՁՈՐԻ ԿԱՐՄԻՐ ՎԱՆՔ, ԵՐԵՐՈւՅՔ, ԲԱԳՐԱՎԱՆ
Հայկաձորի Կարմիր վանքը մի կտոր Անի է ՀՀ-ի սահմաններում։ Սահմանին շատ մոտ լինելու պատճառով Կարմիր վանքը սահմանային փշալարերից այն կողմ է, թեև Հայաստանի տարածքում է։ Համշեն տուրը, համապատասխան թույլտվությամբ, Ձեզ հնարավորություն կտա այցելել վանքի տարածք և անմիջապես վայելել հազարամյա այս հրաշալիքը։ Բաց մի թողեք այս եզակի հնարավորությունը և հպվեք Կարմիր վանքի Սուրբ Գրիգոր Լուսավորիչ հազարամյա եկեղեցու պատերին՝ միևնույն ժամանակ զգալով վեհաշուք Անիի շունչն ու ոգին։ Մեր տպավորիչ ուղևորությունը չի սահմանափակվի միայն Կարմիր վանք այցով․ մենք կտեսնենք Անիի համայնապատկերը Հայկաձորի դիտակետից, կվայելենք նաև տիեզերական Երերույքը, Բագրավանում կայցելենք Անիից բերված խաչքարով Սբ Ավետիս մատուռ, Վահանատունն իր հետաքրքիր ցուցադրությամբ։ Հրաշալի օր՝ ամբողջությամբ նվիրված անկրկնելի ու փառահեղ Անիին։ Ուղևորության եկամտի մի մասը տրամադրվելու է Շիրակ կենտրոնին՝ Շիրակի մարզում սոցիալական աջակցության նպատակով։
Առաջիկա մեկնումներ՝
Դեռ նախատեսված չէ
Մեկնում՝ 10:00,
ժամանում՝ 18:00,
հասցե՝ Թումանյան 8
Գինը՝ 12000 դրամ
Ներառում է`
բարձրակարգ միկրոավտոբուսը (Mercedes Sprinter)
պրոֆեսիոնալ գիդի ծառայությունը
Ծրագիր
ՀԱՅԿԱՁՈՐԻ ԿԱՐՄԻՐ ՎԱՆՔ, ԵՐԵՐՈւՅՔ, ԲԱԳՐԱՎԱՆ
Հայկաձորի Կարմիր վանք (ներս մտնելու հնարավորությամբ)
Անիի համայնապատկերը Հայկաձորից
Բագրավանի Վահանատուն և ցուցադրություն
Բագրավանի Սբ Ավետիս մատուռ և Անիից բերված խաչքար
Երերույքի տաճար
