ՊԱՏՄԱԿԱՆ ԿԻԼԻԿԻԱ 10 ՕՐ

ՄԻՋԵՐԿՐԱԿԱՆ ԾՈՎ, ՄՈՒՍԱ ԼԵՌ, ԿԱՊԱԴՈՎԿԻԱ, ՄԻՋԱԳԵՏՔ, ՆԵՄՐՈՒԹ, ՊՈՐՏԱՍԱՐ

Պատմամշակութային հարուստ ուղևորություն՝ վայելե՛ք Կիլիկյան Հայաստանը, բացահայտե՛ք Արևմտյան Հայաստանը, այցելե՛ք տպավորիչ Նեմրութ և Պորտասար, Հայկական Միջագետք, հանգստացե՛ք Միջերկրական ծովի ափին: Բարձրակարգ, որակյալ, մատչելի և բացառիկ տուր՝ ՀԱՄՇԵՆ տուր պրոֆեսիոնալ տուրօպերատորի կողմից: Այցի ընթացքում տեսնելու ենք Նեմրութը, Կարսը, Մարդինը, Եդեսիան, Այնթապը, Մուսա լեռը, Երզնկան, Էրզրումը, Կեսարիան, Ադանան, Տարսոնը, Տիգրանակերտ-Դիարբեքիրը, Բինգյոլը, Արածանին, Արաքսը, Եփրատը, մի շարք այլ հրաշալի վայրեր… Միջերկրական ծովի ափին հանգիստը հայկական Կիլիկիայի փառահեղ Կոռիկոս բերդի անմիջական հարևանությամբ ոսկե մանրավազով լողափում է:

Մեկնումը՝ 

5։30, վերադարձը՝ մոտ 23։00, հասցե՝ Թումանյան 8

Գինը՝
250000 դրամ
Ներառում է՝

3 և 4 աստղանի բարձրակարգ հյուրանոցներ

նորագույն տրանսպորտ (Mercedes Sprinter/Volkswagen Crafter, մինչ 18 տեղ)

2 անգամյա որակյալ սնունդ (ընտրովի ճաշացանկ)

պրոֆեսիոնալ գիդի ծառայությունը (հայտնի հայ թուրքագետներ)

բոլոր տեսարժան վայրերի մուտքի տոմսերը

Միջերկրական ծովում նավարկության վճարը:

Չի ներառում՝

ՀՀ քաղաքացիների համար Թուրքիայի մուտքի վիզան 15.000 դրամ է, այն պատրաստում է մեր ընկերությունը: Վիզան տոմսի գնի մեջ ներառված չէ։

Մանրամասն Ծրագիր

ՕՐ 1 | ՔԱՂՑՐ ՄՈւՇԸ

մեկնում՝ Երևան-Գյումրի-Ախալքալաք-Կարծախ [Վրաստան]

Ծովակն Հյուսիսոյ (Չըլդըր) լիճ

Բասեն, Արաքս գետ և Հովվի կամուրջ

ընթրիք Մուշում գիշերակաց՝ Մուշ:

Ճանապարհ ընկնելով Երևանից և անցնելով Բավրայի անցակետով՝ մուտք ենք գործում Ջավախք աշխարհ, որտեղից էլ, հատելով թուրք-վրացական սահմանը, անցնում ենք չնաշխարհիկ Ծովակն լճի ափերով՝ ուղի բռնելով դեպի հայոց թագավորների բերդաքաղաքը՝ Կարս: Կանցնենք բազում պատմություններով հայտնի Սարիղամիշի մշտադալար ու սաղարթախիտ անտառներով, որից հետո Բասենում կանգ կառնենք Մայր Արաքսի ափին, այն վայրում, որտեղ միջնադարյան Հովվի կամուրջն է՝ հրաշալի կառուցվածքով գեղեցիկ այս կամուրջը: Ցանկացողները կարող են անգամ Արաքս գետը մտնել, ինչից հետո կուղևորվենք քաղցր Մուշ:

ՕՐ 2 | ԴԵՊԻ ԱՍՏՎԱԾՆԵՐԸ

նախաճաշ հյուրանոցում

Մուշ. Սուրբ Մարինե եկեղեցի, Մշո դաշտ, Սուլուխի կամուրջ, Արածանի գետ

Բինգյոլի (Բյուրակնի) լեռներ և Բինգյոլ քաղաքով անցում

ճաշ Դիարբեքիրում

Նեմրութ (Աստվածների սրբավայր)

գիշերակաց՝ Սիվերեք:

Նախաճաշ Մշո դաշտի սքանչելի լուսաբացի՞ն: Սա ևս իրականություն է: Նախաճաշից հետո մեզ է սպասվում այցելությունը Մշո երբեմնի շքեղության լուռ վկաներից Սուրբ Մարինե եկեղեցի, որը լուռ հսկում է իր շրջապատում մնացած վերջին հայկական տները.. Այնուհետ, կտրելով Մշո դաշտը, հասնում ենք Արածանի (Արևելյան Եփրատ) սուրբ գետի ափերը, որտեղ իր ուրույն պատմական դերով և ճարտարապետական հիասքանչ հորինվածքով մեզ է դիմավորում Սուլուխի կամուրջը, այն վայրը, որտեղ Գևորգ Չավուշն է իր վերջին կռիվը տվել: Մուշից հետո ճանապարհ դեպի Բինգյոլ։ Այո, այո, մենք գիտենք՝ որն է ճամփան Բինգյոլի.. Եվ ահա անցնելու ենք Բյուրակնի (Բինգյոլի) լեռներով, որոնք սիրված երգի պատճառ են դարձել: Բինգյոլից հետո կանցնենք Տիգրանակերտ-Դիարբեքիրով: Շարունակելով բացահայտումներով լի ճանապարհը՝ կհասնենք Եփրատ գետին, որը Միջագետքը սնող և հայկական քաղաքակրթության կարևոր գետերից է: Օրվա գլխավոր, սպասված կանգառը խորհրդավոր, կախարդող, անկրկնելի Նեմրութն է՝ Հին աստվածների սրբավայրը, որը հազարամյակների խորքից գերում է, կանչում իր մոտ: Հրաշալի է Նեմրութը, բացառիկ, յուրօրինակ, չկրկնվող: Նեմրութի բարձրունքից բացվող տեսարանը ստիպում է վերապրել անցյալի փառքն ու խորհրդավորությունը…

ՕՐ 3 | ՀՆԱԳՈՒՅՆ ՔԱՂԱՔԱԿՐԹՈւԹՅԱՆ ՀԵՏՔԵՐՈՎ

նախաճաշ հյուրանոցում

Դիարբեքիր (Տիգրանակերտ). Պարիսպներ, Տիգրիս գետ, Կամուրջ, Սուրբ Կիրակոս և Սուրբ Սարգիս եկեղեցիներ

ճաշ Մարդինում

Մարդին քաղաքում պտույտ, հայկական Սուրբ Հովսեփ եկեղեցի և ազատ երեկո

գիշերակաց՝ Մարդին:

Եվ ահա կանցնենք Տիգրանակերտ-Դիարբեքիրով, ուր կտեսնենք Տիգրիս գետը, Տասնակյա կամուրջն ու քաղաքի լեգենդար պարիսպները: Մարդին քաղաքը ոչ միայն Միջագետքի, այլ համայն մարդկության ամենայուրօրինակ ու հետաքրքիր քաղաքներից է՝ իր ուրույն դիմագծով։ Այստեղ ոչ միայն կտեսնեք տարբերվող ճարտարապետությամբ տներն ու այլ շինությունները, այլ նաև Սուրբ Հովսեփ հայկական եկեղեցին։ Մարդինը կախարդող է, ուստի այն արժանի է առանձին ազատ երեկոյի: Գիշերակացը Արևի քաղաք Մարդինում։

ՕՐ 4 | ՀՆԱԳՈՒՅՆ ՔԱՂԱՔԱԿՐԹՈւԹՅԱՆ ՀԵՏՔԵՐՈՎ

նախաճաշ հյուրանոցում

Պորտասար հնավայր (Գյոբեքլիթեփե)

Եդեսիա (Ուրֆա). Աբրահամի սրբազան ձկների ավազան

ճաշ Ուրֆայում

Հռոմկլա և նավարկություն Եփրատով *

գիշերակաց՝ Այնթափ:

Հրաշալի օր է մեզ սպասվում։ Նախ, կուղևորվենք Պորտասար հնավայր։ Խորհրդավոր ու առեղծածային այս վայրը ոչ միայն անսահման տպավորիչ է, այլ նաև համարվում է մարդկության պատմության ամենահին պաշտամունքային կոթողը։ Արևելյան հեքիաթներին նմանվող Մարդինից հետո ևս մեկ պատմական քաղաք է մեզ սպասում՝ անկրկնելի Եդեսիան, որը մեր օրերում հայտնի է Ուրֆա անվանումով։ Այստեղ նախ կտեսնենք Սրբազան ձկների ավազանը, որտեղ, ըստ լեգենդի, կռիվ է տվել Աբրահամը։ Ցանկության դեպքում, կարող ենք նավարկել քաղաքակրթությունների գետ Եփրատի վրա՝ տեսնելով հրաշալի ու տպավորիչ Հռոմկլան։

ՕՐ 5 | ԴԵՊԻ ՀԵՐՈՍԱԿԱՆ ՄՈւՍԱ ԼԵՌ

նախաճաշ հյուրանոցում

Այնթապ. Սուրբ Մարիամ Աստվածածին հայկական եկեղեցի

Մուսա լեռ. հայկական Վագըֆ գյուղ, Սուրբ Աստվածածին եկեղեցի, Մովսեսի ծառ

ճաշ Մուսա լեռում

Միջերկրականի ծովափ․ Մուսա լեռան հատված

գիշերակաց՝ Մուսա լեռ կամ Սամանդաղ:

Դեպի հերոսական Մուսա լեռ, դեպի Միջերկրականի ափեր։ Մեզ է սպասում հայկական եկեղեցաշինության գլուխգործոցներից Սուրբ Աստվածածին եկեղեցին Այնթապում։ Այստեղից էլ կուղևորվենք Մուսա լեռ՝ տեսնելու ներկայիս Թուրքիայի միակ հայկական գյուղը՝ Մուսա լեռան Վագըֆ գյուղը, որն ունի գործող եկեղեցի։ Այստեղ կտեսնենք նաև Մովսեսի լեգենդար ծառը։

ՕՐ 6 | ԴԵՊԻ ԿԻԼԻԿԻՈՅ ԱՓԵՐ

նախաճաշ հյուրանոցում

Ալեքսանդրեթ (Իսքենդերուն)․ Քառասուն Մանկանց հայկական եկեղեցի

Լևոնկլա բերդ

Անարզաբա բերդի համայնապատկեր

Սիս բերդ

Անցում Ադանայով

ընթրիք Կոռիկոսում գիշերակաց՝ Կոռիկոս:

Մուսա լեռից դեպի Հայոց ծոց ու Կիլիկիայի հայկական թագավորության հզորագույն բերդեր՝ Լևոնկլա, Սիս, Անարզաբա։ Ցանկացողները կարող են բարձրանալ Լևոնկլա ու Սիս դժվարամատչելի ու անառիկ բերդերը, ինչպես և հիանալ Անարզաբայի համայնապատկերով: Բերդերը հաղթահարելուց հետո, անցնելով Ադանայով, կհասնենք ևս մեկ հրաշքի՝ Կոռիկոսի ծովային բերդին, որի ոսկեավազ ափերին էլ մեկ ամբողջական օր ենք վայելելու։ Երեկոն նույնպես Ձերն է՝ վայելելու Միջերկրականի ափին։

ՕՐ | 7 ՎԱՍՏԱԿԱԾ ՀԱՆԳԻՍՏ

նախաճաշ հյուրանոցում

Կոռիկոսի ծովային բերդ

Հանգիստ Միջերկրականի ծովափին. Կոռիկոս, Կիլիկիա

ընթրիք Կոռիկոսում գիշերակաց՝ Կոռիկոս:

Հրաշալի է, երբ Միջերկրական ծովի ոսկեավազ լողափին է անցնում հանգիստը, իսկ երբ հենց Ձեր դիմաց Կիլիկյան Հայաստանի հզորագույն բերդերից Կոռիկոսն է, այն էլ՝ կղզու վրա՝ պատկերը կատարյալ է:

ՕՐ 8 | ԿԱԽԱՐԴԱԿԱՆ ԿԱՊԱԴՈՎԿԻԱ

նախաճաշ հյուրանոցում

Տարսոն․ Լևոն Երկրորդի թագադրման եկեղեցին և Կլեոպատրայի դարպասներ

Կապադովկիա. Գյորեմե և Ուչհիսար (ցանկացողները կարող են այցելել տեղի թանգարաններ, տոմսերը ներառված չեն)

ճաշ Կապադովկիայում

Ազատ ժամանակ Կապադովկիայում

գիշերակաց՝ Կապադովկիա:

Առավոտյան ցանկացողները կարող են ևս մեկ անգամ լողալ Միջերկրական ծովում, որից հետո, անցնելով պատմական Տարսոնով, արդեն ճամփա կընկնենք դեպի կախարդական Կապադովկիա, որտեղ տեսնելու ենք բազմաթիվ հետաքրքիր ժայռակերտ հրաշալիքներ: Կտեսնենք Կապադովկիային բնորոշ սնկաձև ժայռերը, հնամենի ամրոցներ, իսկ ազատ ժամանակը կարող եք օգտագործել զբոսնելու Գյորեմե բնակավայրում, որը Կապադովկիայի սրտում է, այցելելու տեղի թանգարաններ և հետաքրքիր վայրեր: Ցանկացողներն արևածագին կարող են նստել հայտնի օդապարիկները և վայելել Կապադովկիան թռչնի թռիչքի բարձրությունից:

ՕՐ 9 | ԹԱՔՆՎԱԾ ԳԱՆՁԵՐԸ

Վաղ առավոտյան օդապարիկներով թռիչք Կապադովկիայում (ցանկացողների համար, վճարը ներառված չէ)

նախաճաշ հյուրանոցում

Կեսարիա. Սուրբ Գրիգոր Լուսավորիչ եկեղեցի

ճաշ Սեբաստիայում

Երզնկայի բազմահարկ ջրվեժ,

գիշերակաց՝ Երզնկա կամ Էրզրում:

Առավոտյան նախաշաճից հետո մենք ճամփա կընկնենք դեպի Կեսարիա և Երզնկա: Կեսարիայում կտեսնենք հռչակավոր Սուրբ Գրիգոր Լուսավորիչ եկեղեցին, որը գործող հայկական եկեղեցի է՝ տարբերվող ճարտարապետական լուծումներով: Կեսարիայից հետո կանցնենք Սեբաստիայով: Սեբաստիայից կուղևորվենք Երզնկա, որտեղ էլ մեր գիշերակացն է նախատեսված: Այստեղ կտեսնենք նաև Երզնկայի տպավորիչ ջրվեժը:

ՕՐ 10 | ՀԶՈՐ ԷՐԶՐՈւՄԸ

նախաճաշ հյուրանոցում

Կարին (Էրզրում). Հայկական եկեղեցի, Կարնո բերդ, Սանասարյան վարժարան

Սարիղամիշի անտառներ

ճաշ Կարսում

Կարս. Կարուց բերդ, Վարդանի կամուրջ, Սբ. Առաքելոց եկեղեցի, Չարենցի տուն

վերադարձ՝ Կարս-Ախալքալաք-Երևան:

Երզնկայից վերադարձին մենք կանցնենք Կարնո աշխարհով, որտեղ կտեսնենք ներկայիս Էրզրումի հայկական ժառանգության կանգուն կոթողներից։ Սարիղամիշի մշտադալար անտառներով կուղևորվենք դեպի Կարս: Առանձնահատուկ է ուղևորությունը դեպի Կարս, որտեղ մեզ հայկական պատմության և՛ փառավոր, և՛ տխուր էջերն են սպասում: Կարուց բերդն իշխում է ոչ միայն քաղաքի վրա, այլ նաև շրջակայքի: Դարերի ընթացքում կարևոր դեր ունեցած այս բերդը վսեմաշուք է նաև մեր օրերում: Պատրա՞ստ եք գրոհի: Ուրեմն՝ առա՜ջ: Կարուց բերդը հաղթահարելուց հետո ձեր առջև բացվում է երբեմնի հայկական հրաշք քաղաքի համայնապատկերը, որտեղ իր ուրույն տեղն ունի տառապյալ, բայց հզոր Սուրբ Առաքելոց եկեղեցին՝ փառահեղ, ազդու կոթող՝ իր յուրահատուկ ճակատագրով և բազում-բազում պատմություններով:Իսկ Կարսում ինչպե՞ս կարելի է չանցնել Վարդանի կամրջով, ինչպե՞ս չգնալ այն տունը, որտեղ ապրել է մեծանուն գրող Եղիշե Չարենցը: Տեղն է վերհիշել «Երկիր Նաիրին» և զգալ նրա ամեն տողը հայկական պատմական հետքը չկորցրած այս քաղաքում, որտեղ հինավուրց շենքերի ճակատներից դեռ չեն հասցրել ջնջել հայերեն տառերը:

* Հավելյալ տուրեր, որոնք հնարավոր է կազմակերպել տեղում խմբի ամբողջական համաձայնության դեպքում:
Գինը` 250000 դրամ
Դուք դեռ տուր չեք ընտրել