Համշեն տուր

Մեր հերթական, անչափ տպավորիչ ու բացառիկ քայլարշավը Ձեզ է սպասում, և այս անգամ ուղևորվում ենք հեքիաթային Տավուշի Ոսկեպար գյուղ, որն աչքի է ընկնում պատմական գերհարուստ ու բազմազան ժառանգությամբ։ Ոսկեպարի սաղարթախիտ անտառների գրկում մեզ է սպասում աննման Բերդավանքը, որի աղյուսաշեն եկեղեցու հետ մեկտեղ կբացահայտենք նաև նրա հզոր բերդապարիսպները: Մեր ճանապարհին կտեսնենք Ոսկեպարի միջնադարյան կամուրջը, որը հրաշալի ու տպավորիչ կառույց է՝ անչափ համահունչ տեղի շքեղ բնության հետ։ Կտեսնենք նաև իր տեսակի մեջ եզակի բերդաշտարակը, որը նույնպես Ոսկեպարի առանձնացող գանձերից է: Ասել է, թե հրաշալի քայլարշավը և հարուստ պատմությունն ու մշակույթը կապահովեն մեզ վառ զգացողությունների և տպավորությունների հսկա չափաբաժնով։ 

Քայլարշավն ընդհանուր լինելու է մոտ 18 կմ։ Քայլարշավի համար պետք են արշավային կամ որակյալ սպորտային կոշիկ, արշավային կամ հարմարավետ հագուստ։ Նախընտրելի է ունենալ արշավային փայտիկներ, փոխնորդ կոշիկ ու հագուստ, մեկ օրվա հաշվարկով սնունդ ու ջուր (մեկնելիս ֆուդկորտում դադար լինելու է)։