Համշեն տուր

Յուրահատուկ անունով և նույնքան յուրահատուկ արահետներով ու տեսարաններով առանձնացող Տկլորսարն է մեզ կանչում։ Տավուշի գեղեցկագույն լեռներից մեկը պատրաստ է զարմացնելու իր այցելուին՝ դառնալով նրա ամենասիրելի գագաթներից։ Համոզվե՞նք։ Եվ իհարկե, նաև միասին հասկանա՞նք լեռան անվան գաղտնիքը։ Մեր տպավորիչ քայլարշավը սկսելու ենք Դիլիջանի մատույցներից, ուր էլ վերադառնալու ենք։

Տկլորսարի վերելքն ու հետ վերադարձն ընդհանուր լինելու է մոտ 12 կմ, հարաբերական բարձրությունը՝ մոտ 850 մետր, լեռան բարձրությունը՝ 1991 մետր։ Քայլարշավի համար պետք են արշավային կամ որակյալ սպորտային կոշիկ, արշավային կամ հարմարավետ հագուստ։ Նախընտրելի է ունենալ արևապաշտպան միջոցներ (ակնոց, գլխարկ), անձրևապաշտպան միջոցներ, արշավային փայտիկներ, փոխնորդ կոշիկ ու հագուստ, մեկ օրվա հաշվարկով սնունդ ու ջուր։