ՄԵՂՐԻ, ԿԱՊԱՆ, ԼԻՃՔԻ ՋՐՎԵԺՆԵՐ 2 ՕՐ
Հայաստանի տարբերվող և գողտրիկ անկյուններից Մեղրի քաղաքն իր շրջակայքով հարուստ է ոչ միայն պատմական հրաշալի ու յուրօրինակ կոթողներով, այլ նաև առանձնացող քաղաքային կոլորիտ ու դիմագիծ ունի: Դեպի Սյունիք մեր ֆանտաստիկ այցին Մեղրիում կտեսնենք բոլոր պատմական վայրերը, ինչպես նաև Մայր Արաքսն ու աննման ջրվեժները Զվարագետի վրա (Լիճք): Արևաբույր Մեղրիում նախատեսված է բարձրանալ Մեղրիի տպավորիչ բերդը, այցելել վերականգնումից հետո առավել փառահեղ ներկայացող, աննման որմնանկարներով հարուստ Փոքր Թաղի Սուրբ Հովհաննես եկեղեցին, Մեծ թաղի Սուրբ Աստվածածին եկեղեցին, Անապաստանաց վանքը: Իհարկե, այս շքեղ ուղևորության առանձնացող հրաշալիքներից է Արաքսի հովտի մայրամուտը Մեղրիից, որը նույնպես ամբողջությամբ կվայելենք: Մեր այցին կտեսնենք նաև Սյունյաց անհաշվելի գանձերից ևս մի քանիսը՝ Կապանն ու Վահանավանքը, կվայելենք Խուստուփի ու Սյունյաց լեռների հզոր տեսարանները՝ ավելի ամբողջական և հարուստ դարձնելով մեր անկրկնելի երկօրյա ծրագիրը:
6։00, վերադարձը՝ մոտ 22։00, հասցե՝ Թումանյան 8
բարձրակարգ տրանսպորտը (Mercedes Sprinter, մինչև 19 տեղ)
հյուրանոց (երկտեղանի/երեքտեղանի համարներ)
նախաճաշ (երկրորդ օրվա համար)
պրոֆեսիոնալ գիդի ծառայությունը:
Մանրամասն Ծրագիր
ՕՐ 1
Մեր գեղեցկագույն ուղևորության առաջին օրը մենք կհասցնենք բացահայտել Սյունիքի մի շարք հրաշալիքներ։ Կանցնենք Տաթևից Տանձավեր ու Կապան տանող գեղեցկագույն ճանապարհով։ Կապանում կայցելենք հոյակերտ Վահանավանք, որից հետո տպավորիչ մի դադար էլ կլինի Մեղրիի լեռնանցքի մոտ, որը Հայաստանում ամենաբարձրադիրն է։ Այնուհետև մեզ են սպասում Մեղրիի ջրվեժներից գեղեցկագույնները, ուր էլ կքայլենք ու կվայելենք մեր ամեն վայրկյանը։ Շուտով կհասնենք Մայր Արաքսի ափերին, որտեղից կախարդական տեսարան է բացվում դեպի Արաքսի հովիտը, որով էլ կզմայլվենք մայրամուտի հրաշք գույներով։
մեկնում ԵրևանիցՄեղրու լեռնանցք
Զվարի (Լիճքի) ջրվեժներ (կարճ քայլարշավ)
Մեղրի․ Արաքս գետ ու Արաքսի հովտի մայրամուտը
գիշերակաց՝ Մեղրի կամ Ագարակ։ՕՐ 2
Օրը սկսում ենք Արևի աշխարհում՝ Մեղրիում։ Քաղցրահամ այս քաղաքում գեղեցիկ է ամեն անկյունը։ Եվ ուրեմն, բացահայտենք Մեղրին ու ընդմիշտ սիրահարվենք այս քաղաքին։ Մեղրիի Մեծ թաղում կտեսնենք Սուրբ Աստվածածին եկեղեցին և Մեղրու բերդը, ինչպես նաև Փոքր թաղի Սուրբ Հովհաննես Մկրտչի եկեղեցին, որն առանձնանում է իր բարձրաճաշակ և տպավորիչ որմնանկարներով, կայցելենք նաև անչափ խորհրդավոր Անապաստանաց վանք։ Կպտտվենք Մեղրիի փողոցներով, այնուհետև կլինենք Վահանավանքում և միայն այդ ժամ կարող ենք վերադառնալ՝ մեր սրտում տանելով մի կտոր արևային Մեղրի:
նախաճաշ հյուրանոցումՄեղրի քաղաքում պտույտ
Փոքր Թաղի Սբ Հովհաննես եկեղեցի
Մեծ Թաղի Սբ Աստվածածին եկեղեցի
Մեղրու բերդ
Մեղրիի Անապաստանաց վանք
Կապան․ Վահանավանք
վերադարձ Երևան։