Համշեն տուր

Անգին գանձերի շտեմարան Խոսրովի անտառում մեր հետաքրքրագույն բացահայտումները շարունակվում են․ այս անգամ քայլելու ենք կուսական անտառներով ու չքնաղ կածաններով՝ տեսնելու Մանկուք բնակատեղին իր անչափ մեծարժեք ու անսահման խորհրդավոր ժառանգությամբ։ Մեր ֆանտաստիկ ուղևորության ընթացքում կտեսնենք նաև Խոսրովի անտառի ամենագողտրիկ անկյուններից Մանկուք գետի կիրճը, Ջղինի լճերը, այլ հրաշքներ։ Ասել է, թե և՛ բնության հրաշալիքներ, և՛ մարդու կերտած գանձեր են մեզ սպասում մեր երկրի ամենագեղեցիկ անկյուններից մեկում։ Միացե՜ք շքեղագույն օրվա սպասումով։

Քայլարշավն ընդհանուր լինելու է մոտ 13 կմ։ Քայլարշավի մեկնարկի կետին մոտենալու ենք Խոսրովի արգելոցի ամենագնաց միջոցներով։ Քայլարշավի համար պետք են արշավային կամ որակյալ սպորտային կոշիկ, արշավային կամ հարմարավետ հագուստ։ Նախընտրելի է ունենալ արևապաշտպան միջոցներ, անձրևապաշտպան միջոցներ, արշավային փայտիկներ, փոխնորդ կոշիկ ու հագուստ, մեկ օրվա հաշվարկով սնունդ ու ջուր։