Համշեն տուր

Վայոց ձորի լեռներում թաքնված է մեր միջնադարյան կարևոր վանական համալիրներից մեկը՝ խորհրդավոր և տպավորիչ Շատիվանքը։ Տպավորիչ այս վանքն առանձնանում է իր մեծ կարևորությամբ, հետաքրքիր լուծումներով բերդապարիսպներով։ Այս հրաշքը բացահայտելու և վայելելու համար մեր հետաքրքիր քայլարշավը սկսում ենք Շատին գյուղից, և անցնելով գեղեցիկ ձորակներով, հասնում ենք այս հրաշք վայրը, ուսումնասիրում և բացահայտում այն, ապա նաև վայելում մեր ազատ ժամանակը։ Ընդ որում, մեր այս հրաշք ուղևորությանն առիթը բաց չենք թողնի տեսնելու նաև Եղեգիսի Զորաց տաճարը՝ մեր ամենատարբերվող և հրաշակերտ կոթողներից մեկը։ Միևնույն ժամանակ Եղեգիսում կտեսնենք նաև Սուրբ Նշան եկեղեցին՝ մեր ուղևորությունը դարձնելով առավել հագեցած և հետաքրքիր։

Քայլարշավն ընդհանուր լինելու է մոտ 8 կմ։ Քայլարշավի համար պետք են արշավային կամ որակյալ սպորտային կոշիկ, արշավային կամ հարմարավետ հագուստ։ Նախընտրելի է ունենալ արևապաշտպան միջոցներ (ակնոց, գլխարկ, քսուք), անձրևապաշտպան միջոցներ, արշավային փայտիկներ, փոխնորդ կոշիկ ու հագուստ, մեկ օրվա հաշվարկով սնունդ ու ջուր։