Համշեն տուր

Անկրկնելի Վայոց ձորը բազում հրաշալիքներ ունի և՛ մարդակերտ, և՛ բնության հրաշալիքներ: Իսկ այս երկուսի համադրությունը կարող եք վայելել մեր այս տպավորիչ քայլարշավին, որի ժամանակ կտեսնենք Գնիշիկի շքեղ կիրճը և նմանը չունեցող Նորավանքը: Բայց հանճարեղ Մոմիկի հետքերով այս ուղևորությանը ևս մեկ գեղեցիկ դադար ունենք, այն է՝ Արենիի Սբ Աստվածածին եկեղեցին, որը նույնպես կհմայի Ձեզ: Ոչ բարդ, շատ հաճելի քայլարշավը հաստատ կգեղեցկացնի Ձեր օրը՝ լցնելով այն վայոցձորյան տարբերվող շնչով: 

Քայլարշավն ընդհանուր լինելու է մոտ 8 կմ։ Քայլարշավի համար պետք են արշավային կամ որակյալ սպորտային կոշիկ, արշավային կամ հարմարավետ հագուստ։ Նախընտրելի է ունենալ արևապաշտպան միջոցներ (ակնոց, գլխարկ, քսուք), անձրևապաշտպան միջոցներ, արշավային փայտիկներ, փոխնորդ կոշիկ ու հագուստ, մեկ օրվա հաշվարկով սնունդ ու ջուր։