Համշեն տուր

Քաղցրահամ Մեղրիի անսահման գեղեցիկ ու գունեղ անկյունները, արագահոս գետերն ու շառաչուն ջրվեժները, խորհրդավոր բնակատեղիներն ու տպավորիչ կամուրջները, հզոր լեռները, նմանը չունեցող եկեղեցիներն ու վանքերը բացահայտելուն ուղղված մեր այս տպավորիչ քայլարշավը ձեզ լրիվ այլ դիտանկյունից կծանոթացնի չքնաղագույն այս աշխարհի հետ։ Ֆանտաստիկ այս ուղևորությանը մենք կտեսնենք մի շարք հրաշք ջրվեժներ, կքայլենք արահետներով, որոնք դեռ շատ քիչ են մարդու հետք տեսել, կտեսնենք անտառներում և լեռներում թաքնված պատմական կոթողներ, ամբողջությամբ կբացահայտենք Մեղրի քաղաքն իր բոլոր յուրահատուկ կողմերով։ Իրապես բացառիկ և հարուստ ուղևորություն, որտեղ համադրված են գեղեցիկ բնությունն ու հրաշք կոթողները։ Հրաշալի քայլարշավներն իրականացնելու են մեր բանիմաց և փորձառու գիդերը տեղացի ուղեկցորդ Արսեն Մարգարյանի ուղեկցությամբ։ Դե, միացե՜ք մեզ վայելելու Արևի երկիրը՝ Մեղրին։

Քայլարշավներից Բողաքարի ուղղությունը լինելու է ընդհանուր մոտ 15 կմ, Լիճքի կասկադը՝ 2 կմ, Սրտերի ջրվեժը՝ 8 կմ։ Քայլարշավի համար պետք են արշավային կամ որակյալ սպորտային կոշիկ, արշավային կամ հարմարավետ հագուստ։ Նախընտրելի է ունենալ արևապաշտպան միջոցներ (ակնոց, գլխարկ, քսուք), անձրևապաշտպան միջոցներ, արշավային փայտիկներ, փոխնորդ կոշիկ ու հագուստ։