Համշեն տուր

Հերթական հրաշալի ուղևորությունը, որտեղ համադրված են և՛ բնության հրաշալիքները, և՛ մարդու թողած պատմական հետքը: Մեր տպավորիչ ուղևորության ընթացքում Վայոց ձորի քաղցրիկ գյուղից՝  Հերհերից բեռնատարով կմեկնենք Մուրադսարի մատույցներ, որտեղ կբացահայտենք մի քանի հարյուրի հասնող ժայռապատկերները: Վայելելով պատմական մեծարժեք այս գանձերը՝ մեր ուղևորությունը կշարունակենք դեպի Հերհեր և Քարավազ ջրվեժներ, ուր կհասնենք կարճ ու թեթև քայլարշավով: Եթե Հերհեր ջրվեժը Ձեզ կտպավորի իր գեղեցկությամբ, ապա Քարավազ ջրվեժն առանձնանում է իր չքնաղությամբ ու յուրահատկությամբ: Ասել է, թե այս տարբերվող ուղևորությանը և՛ կարելի է թարմանալ ու զովանալ ջրվեժներով, և՛ միևնույն ժամանակ, գնալ պատմության ամենախորքը: