Համշեն տուր

Մեր այս յուրօրինակ ուղևորության ընթացքում բացահայտելու և ուսումնասիրելու ենք Արագածոտնի միանգամից հինգ բերդեր, որոնք առանձանում են իրենց պատմություններով, կառուցվածքով և տեղադրությամբ։ Մեր ուղևորությունը կսկսենք մեր առավել հայտնի բերդերից մեկից՝ Ամբերդից, սակայն այն կմատուցենք տարբերվող և ոչ սովորական մոտեցմամբ: Ամբերդից հետո կանգ կառնենք Կոշ գյուղում և քայլքով կհասնենք Կոշի ամրոց, որտեղից հրաշալի տեսարան է բացվում: Կոշից հետո կուղևորվենք տեսնելու Շամիրամի բերդը, ապա նաև բացահայտելու և վայելելու Արուճի պատմական բերդը։ Եվ վերջում, կայցելենք Դաշտադեմի Քաղենի (Թալինի) բերդը, որը հրաշալի վիճակում տպավորիչ պաշտպանական կառույց է և մեր ամրոցաշինության լավագույն օրինակներից է հանդիսանում: Ընդ որում, մեր այցերը չեն սահմանափակվի միայն բերդերով. մենք կայցելենք բերդերին մոտ այլ կառույցներ ևս, ինչպիսիք են Արուճի տաճարը, Ամբերդի Վահրամաշեն եկեղեցին, Թալինի Կաթողիկե եկեղեցին:

Այս ուղևորությունը Համշեն տուրի «Հայոց բերդերը և ամրոցները» հատուկ նախագծի մաս է կազմում: