Համշեն տուր

Ճանապարհ ընկնելով Երևանից և անցնելով Բավրայի անցակետով՝ մուտք ենք գործում Ջավախք աշխարհ, որտեղից էլ անցնում ենք չնաշխարհիկ Ծովակն Հյուսիսոյ լճի ափերով՝ ուղի բռնելով դեպի Կարին աշխարհ՝ Էրզրում, որտեղ կայցելենք Կարնո հզոր բերդը, Սանասարյան վարժարանը և տեղի հայկական եկեղեցին։ 

Երկրորդ օրը առավոտյան պատմական Կարինից կուղևորվենք դեպի Կեսարիա՝ տեսնելու Սբ․ Գրիգոր Լուսավորիչ եկեղեցին, ապա կշարունակենք մեր ճանապարհը դեպի հեքիաթային Կապադովկիա, որտեղ կունենանք ազատ ժամանակ վայելելու անչափ գեղեցիկ տեսարանները։

Առավոտյան ցանկացողները կարող են Կապադովկիան տեսնես թռչնի թռիչքի բարձրությունից՝ օդապարիկներով։ Օրվա երկրորդ կեսին արդեն կունենանք ազատ ժամանակ բացահայտելու Կապադովկիայի գողտրիկ անկյունները, հնամենի փողոցները և ցանկության դեպքում այցելելու տեղի թանգարաններ։

Ժամանակն է շարունակելու ճամփորդությունը դեպի Սեբաստիա և Երզնկա։ Սեբաստիայում կայցելենք Կեռ կամուրջը և կուղևորվենք Երզնկա, ուր կընթրենք և կգիշերենք։

Երզնկայում կայցելենք բնության հրաշալիք Երզնկայի բազմահարկ ջրվեժը, որից հետո կուղևորվենք Կարս, որտեղ մեզ հայկական պատմության և՛ փառավոր, և՛ տխուր էջերն են սպասում: Կարուց բերդն իշխում է ոչ միայն քաղաքի, այլ նաև շրջակայքի վրա: Կարուց բերդը հաղթահարելուց հետո ձեր առջև բացվում է երբեմնի հայկական հրաշք քաղաքի համայնապատկերը, որտեղ իր ուրույն տեղն ունի տառապյալ, բայց հզոր Սուրբ Առաքելոց եկեղեցին՝ փառահեղ, ազդու կոթող՝ իր յուրահատուկ ճակատագրով և բազում-բազում պատմություններով: Իսկ Կարսում ինչպե՞ս կարելի է չանցնել Վարդանի կամրջով, ինչպե՞ս չգնալ այն տունը, որտեղ ապրել է մեծանուն գրող Եղիշե Չարենցը: