Համշեն տուր

Սյունիքի սրտում է հայկական և համաշխարհային ճարտարապետության ամենատպավորիչ օրինակներից Բղենո Նորավանքը։ Այս հոյակերտ կառույցն ուղղակի ապշեցնում է․ յուրահատուկ, նուրբ, տպավորիչ, անսահման տարբերվող, պարուրված հետաքրքիր պատմություններով։ Բղենո Նորավանքն իսկական բացահայտում կլինի, ընդ որում, ոչ միայն ճարտարապետական շատ յուրօրինակ լուծումներով, այլ նաև իր արտահայտիչ քանդակներով։ Գեղեցիկ անտառների գրկում գողտրիկ այս կոթողը կստիպի մեկընդմիշտ թողնել Ձեր սիրտն այստեղ։ Մենք չենք սահմանափակվի այս գլուխգործոցը վայելելով, այլ նաև կայցելենք Սյունիքի կոլորիտով հարուստ Բարձրավան գյուղ՝ բացահայտելու տեղի Սբ Հռիփսիմե եկեղեցին, Բարձրավանի իջևանատունը, ինչպես նաև վայելելու դեպի Որոտանի կիրճ բացվող շքեղ տեսարանները։

Քայլարշավն ընդհանուր լինելու է մոտ 10 կմ։ Քայլարշավի համար պետք են արշավային կամ որակյալ սպորտային կոշիկ, արշավային կամ հարմարավետ հագուստ։ Նախընտրելի է ունենալ արևապաշտպան միջոցներ (ակնոց, գլխարկ, քսուք), անձրևապաշտպան միջոցներ, արշավային փայտիկներ, փոխնորդ կոշիկ ու հագուստ, մեկ օրվա հաշվարկով սնունդ ու ջուր։