Համշեն տուր

Դեպի Արցախ, դեպի հայոց ամենատպավորիչ բերդերից մեկն այս ուղևորությունն իրապես բացառիկներից է։ Մեր յուրահատուկ ուղևորությանը մենք ոչ միայն քայլարշավով կհասնենք անչափ տպավորիչ Կաչաղակաբերդ, այլ կայցելենք հոյակերտ Գանձասար և խորհրդավոր Հակոբավանք։ Իսկ այս ամենին գումարենք վրանային գիշերակացը Քոլատակում, և այս ուղևորությունը կհամարենք առավել, քան ստացված ու գրավիչ։ Հզոր Կաչաղակաբերդն ինքնին առանձնում է իր գեղեցկությամբ, իսկ վերևից բացվող տեսարաններն ուղղակի շունչ կտրող են։ Անսահման գեղեցիկ է նաև դեպի Կաչաղակաբերդ տանող արահետը, որը նույնպես լիաշունչ վայելելու ենք։ Միացեք այս հրաշալի ուղևորությանը, վայելե՜ք անկրկնելի Արցախը, վայելե՜ք հզոր Կաչաղակաբերդը։ 

Կաչաղակաբերդի քայլարշավն ընդհանուր լինելու է մոտ 14 կմ։ Քայլարշավի համար պետք են արշավային կամ որակյալ սպորտային կոշիկ, արշավային կամ հարմարավետ հագուստ։ Նախընտրելի է ունենալ արևապաշտպան միջոցներ (ակնոց, գլխարկ, քսուք), անձրևապաշտպան միջոցներ, արշավային փայտիկներ, փոխնորդ կոշիկ ու հագուստ, մեկ օրվա հաշվարկով սնունդ ու ջուր։

Այս ուղևորությունը Համշեն տուրի Հայոց բերդերը և ամրոցները հատուկ նախագծի մաս է կազմում։