Համշեն տուր

Արարատի մարզի գեղեցկագույն ու տպավորիչ լեռներից Պուտավորն ու Գորշսարն են մեզ կանչում, որոնք պատրաստ են զարմացնել ու հիացնել։ Չքնաղ արահետների ու շունչ կտրող տեսարանների պակաս չի լինելու։ Բայց սա ամենը չէ. քայլելու ենք նաև Անձավաջրի կիրճով, ինչը վառ տպավորությունների հսկա չափաբաժին է հավելելու։ Մեր հրաշալի քայլարշավը սկսելու ենք Արարատի մարզի Զանգակատուն գյուղից և ավարտելու ենք նույն գյուղում։

Պուտավոր և Գորշսար (Գորշասար) լեռների վերելքն ու Անձավաջրի քայլարշավն ընդհանուր լինելու են մոտ 14 կմ, հարաբերական բարձրությունը՝ մոտ 800 մետր, Պուտավորի բարձրությունը՝ 2260 մետր, Գորշասարինը՝ 2234 մետր։ Քայլարշավի համար պետք են արշավային կոշիկ, արշավային հագուստ, արևապաշտպան միջոցներ (ակնոց, գլխարկ), նախընտրելի է ունենալ անձրևապաշտպան միջոցներ և արշավային փայտեր, երկարաթև թեթև հագուստ, փոխնորդ հագուստ և կոշիկ, մեկ օրվա հաշվարկով սնունդ ու ջուր։