Համշեն տուր

Պատմության խորքից մեզ հասած մի շարք հրաշալիքներ մեկ օրում տեսնելու հրաշալի հնարավորություն ընձեռող այս ուղևորությունը միանշանակ հիշարժան է լինելու: Կոտայքին նվիրված այս հարուստ տուրը կսկսենք անկրկնելի Պտղնավանք այցից, որը ազդու և բացառիկ կոթող է: Այն մեր ճարտարապետության յուրօրինակ և առանձնացող օրինակներից է։ Հաջորդ կանգառը Հատիսի լանջերին վեր խոյացող հոյակերտ Կապտավանքն է՝ հրաշալի տեղադրությամբ և տպավորիչ կառուցվածքով։ Հաջորդիվ կայցելենք քրիստոնեության ամենավաղ շրջան հասնող Կարենիսի վանք, ուր կհասնենք Հրազդան գետին զուգահեռ թեթև քայլքով՝ վայելելով Հրազդանի կիրճի գեղեցիկ տեսարանները։ Այնուհետև կուղևորվենք Բջնիի Սուրբ Աստվածածին հոյակերտ եկեղեցի, որն այցելելուց հետո մեզ է սպասում մեր միջնադարյան հզոր և լավ պահպանված բերդերից Բջնին։ Իր հետաքրքիր ճարտարապետությամբ և պատմությամբ առաձնացող Բջնիի բերդը բացահայտելուց և վայելելուց հետո կվերադառնանք Երևան։