ԽԱԽՈՒ, ԻՇԽԱՆԱՑ ՎԱՆՔԵՐ, ՉՈՐԴՎԱՆՔ, ԲԵՐԴԱԳՐԱԿ, ԽՈՏՈՐՋՈՒՐ, ԷՐԶՐՈՒՄ, ԹՈՐԹՈՒՄ, ՕԼԹԻ
Տայքը ֆանտաստիկ է։ Այստեղ շքեղագույն բնությունը համադրվում է հզոր բերդերի և փառահեղ եկեղեցիների ու վանքերի հետ։ Այստեղ պատմության շունչն ամենուր է, իսկ շունչ կտրող տեսարանները՝ գլխապտույտ քանակությամբ։ Մեր քառօրյա բացառիկ ուղևորության ընթացքում Տայքի պատմության մասնագետների գլխավորությամբ կտեսնենք համաշխարհային նշանակության այնպիսի գլուխգործոցներ, ինչպիսիք են Օշկվանքը, Խախու վանքը, Իշխանաց վանքը, Բանակի տաճարը, Չորդվանքը, կքայլենք դեպի Տայքի անառիկ բերդերն ու մեծարժեք վանքերը բացահայտելու, կհիանանք Ճորոխի ավազանի աննման գեղեցկությամբ, կզովանանք Թորթումի հզոր ջրվեժի ջրերով։ Խոտորջրից Կարին, Թորթումից Օլթի. Տայքի փառահեղ ժառանգությունը սպասում է անվերջ զարմացնելու և հիացնելու։
Առաջիկա մեկնումներ՝
01.05 - 04.05
Մեկնում՝ 06:00,
ժամանում՝ 23:55,
հասցե՝ Թումանյան 8
Գինը՝ 123000 դրամ
3* և 4* հարմարավետ հյուրանոց (երկտեղանի համարներ)
բարձրակարգ տրանսպորտը (Mercedes Sprinter/VW)
2 անգամյա որակյալ սնունդ (ընտրովի ճաշացանկ)
պրոֆեսիոնալ գիդի ծառայությունը (հայ թուրքագետներ)
բոլոր տեսարժան վայրերի մուտքի տոմսերը
Ծրագիր
մեկնում՝ Երևան-Գյումրի-Ախալքալաք-Կարծախ [Վրաստան]
Բանակի տաճար
Բարնակի բերդ
Փանազկերտի բերդ
Իշխանաց վանք
ընթրիք Յուսուֆելիում
գիշերակաց՝ ՅուսուֆելիԱռաջին իսկ օրը լի է հոյակերտ կոթողներով և խենթացնող տեսարաններով։ Կտեսնենք Զվարթնոցի նմանությամբ և նույն ժամանակաշրջանում կառուցված Բանակի տաճարը, կայցելենք Բարնակի ու Փանազկերտի տպավորիչ բերդեր, կվայելենք շքեղագույն վանքն Իշխանաց, որը ոչ միայն Տայքի, այլ նաև համաշխարհային ճարտարապետության ամենափայլուն ու յուրահատուկ օրինակներից է։ Հրաշալի օրն ապահովված է։
նախաճաշ հյուրանոցում
Պարխարի եկեղեցի
Չորդվանք
Բերդագրակի բերդ
Նիխաղի բերդ
Որջնհաղի բերդ
Խոտորջուր
ընթրիք Յուսուֆելիում
գիշերակաց՝ ՅուսուֆելիՄեր հիանալի այցի երկրորդ օրը ևս հագեցած է ու անչափ գեղեցիկ։ Կսկսենք Պարխարի եկեղեցի այցով, ապա կայցելենք վեհաշուք Չորդվանք, որը խոստանում է լիակատար ապշեցնել Ձեզ։ Հաջորդիվ մեզ են սպասում երեք հզոր բերդեր՝ Բերդագրակի, Նիխաղի և Որջնհաղի, որոնց հզորությունը դարերը չեն խամրեցրել։ Եվ ահա ժամանակ է տեսնելու Խոտորջուրը՝ երբեմնի շեն ու վաճառաշահ հայաբնակ քաղաքն իր հրաշալի քարաշեն բազմահարկ տներով և տպավորիչ եկեղեցով։
նախաճաշ հյուրանոցում
Թորթումի ջրվեժ
Օշկվանք
Օշկիձորի բերդ (քայլարշավ)
Ազորդի եկեղեցի
Ընկուզկա բերդ (թեթև քայլարշավ)
Խախու վանք
ընթրիք Էրզրումում
գիշերակաց՝ ԷրզրումՇարունակում ենք անգին գանձերի բացահայտումը։ Օրը կսկսենք Թորթում ջրվեժից, որը խոշորագույններից է մեր տարածաշրջանում։ Հաջորդիվ կտեսնենք հրաշակերտ Օշկվանքը, որն անթաքույց կհիացնի ու մեկընդմիշտ կստիպի հիշել իրեն։ Ժամանակն է քայլելու, որ հասնենք հրաշալի տեսարաններով հայտնի Օշկիձորի բերդը։ Ազորդի եկեղեցին բացահայտելուց հետո Ընկուզկա բերդ քայլելու պահն է, որին կհաջորդի ևս մեկ հրաշք՝ այցելություն Խախու վանք իր բազմաթիվ գաղտնիքներով։
նախաճաշ հյուրանոցում
Էրզրում․ Կարինի Սբ Մինաս եկեղեցի
Թորթումի բերդ
Օլթիի բերդ
Արդահանի բերդ և Կուր գետ
ճաշ Արդահանում
վերադարձ՝ Կարծախ-Գյումրի-Երևան:Վերադարձի օրն անգամ մենք դեռ բազմաթիվ հրաշքներ ունենք բացահայտելու։ Կշրջենք Կարին-Էրզրումում՝ բացահայտելով տեղի հայկական հետքը։ Կտեսնենք Թորթումի ամրակուռ բերդը, որոնցից հետո կտեսնենք նաև Օլթիի տպավորիչ բերդը։ Մեզ է սպասում նաև Արդահանի հզոր բերդն ու Քուր գետը։ Եվ միայն այս հրաշքները լիարժեք բացահայտելուց և վայելելուց հետո կմտածենք վերադարձի մասին։