Համշեն տուր

Դեպի չքնաղ Սյունիք մեր երկօրյա այցի ժամանակ կայցելենք Հայաստանի տարբերվող և գողտրիկ անկյուններից Մեղրի քաղաք, որն այդքան հարուստ է պատմական հրաշալի ու յուրօրինակ կոթողներով, ունի նաև առանձնացող քաղաքային կոլորիտ ու դիմագիծ: Արևաբույր Մեղրիում նախատեսված է բարձրանալ Մեղրիի տպավորիչ բերդը, այցելել աննման որմնանկարներով հարուստ Փոքր Թաղի Սբ Հովհաննես եկեղեցին, Մեծ Թաղի Սբ Աստվածածին տպավորիչ եկեղեցին, խորհրդավոր Անապաստանաց վանքը, քայլել Մեղրիի գունեղ փողոցներով: Իհարկե, այս շքեղ ուղևորության առանձնացող հրաշալիքներից է Արաքսի հովտի մայրամուտը Մեղրիից, որը նույնպես ամբողջությամբ վայելելու ենք: Բայց սա էլ դեռ ամենը չէ․ մեր ֆանտաստիկ այցի ընթացքում կտեսնենք նաև Սյունյաց անհաշվելի գանձերից ևս մի քանիսը՝ Կապանի Վահանավանքը, մոգական Տաթևի վանքը, ազդեցիկ Որոտնավանքը, կվայելենք նաև Խուստուփի ու սյունյաց լեռների հզոր տեսարանները՝ ավելի ամբողջական և հարուստ դարձնելով մեր անկրկնելի երկօրյա ուղևորությունը: