Համշեն տուր

Ցանկանո՞ւմ եք ունենալ հետաքրքրագույն լուսանկարներ, քայլել գեղեցիկ դաշտերով, տեսնել յուրօրինակ քարանձավներ, ֆուտուրիստական ալիքաձև ժայռեր, լեռան գագաթից հիանալ Արագածի տպավորիչ տեսարանով, տեսնել խորհրդավոր մատուռը։ Դե, միացե՜ք դեպի Շարայի առեղծվածային լեռ մեր ոչ բարդ և շա՜տ գեղեցիկ քայլարշավին։ Երևանից ոչ շատ հեռու, Արագածոտնի և Շիրակի մարզերի սահմանագծին վեր խոյացող Շարայի լեռը պատրաստ է զարմացնել և ներկայանալ անչափ տպավորիչ պատկերներով ու վայրերով։ Գեղեցիկ դաշտերով կքայլենք դեպի ալիքաձև ժայռերը, որտեղ կգտնենք նաև Առյուծ արքա մուլտֆիլմի՝ Սիմբային ներկայացնելու ժայռին նմանվող ժայռը։ Շարայի լեռան գագաթից, Սբ Հովհաննես բազմադարյա մատուռը տեսնելու հետ մեկտեղ, կվայելեք նաև Արագածի, Ծաղկունյաց և Փամբակի լեռների գեղեցիկ տեսարանները։ Ի դեպ, Շարայի լեռան քայլարշավը հրաշալի տարբերակ է սկսնակ քայլարշավորդների և լեռնագնացության սիրահարների համար։ Իհարկե, անկրկնելի Շարան անտարբեր չի թողնի նաև փորձառու քայլարշավորդներին և ճամփորդասերներին։ Գնացի՜նք։

Քայլարշավն ընդհանուր լինելու է մոտ 15 կմ, լեռան բարձրությունը՝ 2475 մ, քայլարշավի հարաբերական բարձրությունը՝ մոտ 350 մետր։ Քայլարշավի համար պետք են արշավային կամ որակյալ սպորտային կոշիկ, արշավային կամ հարմարավետ հագուստ։ Նախընտրելի է ունենալ արևապաշտպան միջոցներ (ակնոց, գլխարկ, քսուք, երկարաթև թեթև շապիկ), անձրևապաշտպան միջոցներ, արշավային փայտիկներ, փոխնորդ կոշիկ ու հագուստ, մեկ օրվա հաշվարկով սնունդ ու ջուր (մեկնելիս ֆուդկորտում դադար լինելու է)։