Համշեն տուր

Մեր ուղևորության առաջին` անակնկալներով լի օրը սկսում ենք Լոռիի ամենանշանավոր գյուղերից մեկից՝ Դսեղից, որտեղ բացի տեղի պատմամշակութային կոթողներից, մեզ է սպասում նաև Ծովեր լիճը, տեղացիների ջերմ հյուրընկալությունն ու իսկական Լոռվա կոլորիտը։ Առջևում է յուրօրինակ մի կառույց՝ Ամրակիցի ռուսական Սուրբ Նիկողայոս հրաշագործ եկեղեցին, որն առաջին հայացքից կարծես հեքիաթի էջերից իջած լինի։  Օրվա վերջում դեռ պիտի քայլենք Լոռի բերդի խորհրդավոր արահետներով՝ վայելելով պատմական շունչն ու Ձորագետի կիրճի հրաշալի տեսարանը։

Երկրորդ օրվա առաջին կանգառը Վերին Հոռոմայրի հուշարձանախմբի մոտ է՝ դեպի Ներքին Հոռոմայր ու Դեբետի կիրճ բացվող խենթացնող տեսարանով, որից հետո կայցելենք Օձունի հոյակերտ տաճար․ վայր, առանց որի բարդ է պատկերացնել դեպի Լոռի ուղևորությունները։ Ապա կհասնենք վեհաշուք Սանահին՝ խորհրդավոր, միշտ ձգող և դարերի խորքից եկող հզոր էներգիայով մի վանական համալիր։ Եվ ահա ժամն է շատ յուրահատուկ մի վայր՝ Զարնի-Պարնի և Մենձ-Էր քարայր-ամրոցներ այցելելու, որոնք, բացի անչափ հետաքրքիր լինելուց, նաև կարևոր զբոսաշրջային կենտրոններ են։ Եվ ի վերջո հերթն է Լոռվա մեկ այլ հրաշքի՝ Հաղպատի վանական համալիրի, որը վայելուց հետո միայն կավարտենք մեր երկօրյա հրաշալի ուղևորությունը և անմոռանալի տպավորություններով կվերադառնանք Երևան։