Համշեն տուր

Անչափ խորհրդավոր, անսահման առեղծվածային, անասելի տպավորիչ Մագելանի քարանձավն է մեզ սպասում՝ զարմացնելու և հիացնելու։ Մեր արհեստավարժ քարանձավախույզների ու ուղեկցորդների գլխավորությամբ բացահայտենք քարանձավների գաղտնիքները և սիրահարվենք այս գեղեցիկ ու շքեղ աշխարհին։ Մագելանի քարանձավն իր մեծությամբ երկրորդն է Հայաստանում, այն պատկանում է կլաստոկարստային քարանձավների տեսակին, ընդ որում, այս տեսակի 9-րդ ամենաերկար քարանձավն է աշխարհում (ընդհանուր ցանցը՝ 1720 մետր): Բացի այս հրաշք քարանձավը, մեզ է սպասում ևս մեկ յուրահատուկ վայր՝ Արենիի սելավապատնեշը, որը լինելով խիստ կիրառական կառույց՝ միևնույն ժամանակ ֆուտուրիստիկ և ֆանտաստիկ պատկեր է ապահովում իր այցելուներին։ Դե ինչ, տարբերվող այս ուղևորությունը դառնալու է ամենատպավորիչներից, ուստի սիրով սպասում ենք ձեզ։

Մասնակցության համար անհրաժեշտ են՝ արշավային կամ որակյալ սպորտային կոշիկ, հարմարավետ արշավային հագուստ, քարանձավի համար հարմար հագուստ, որը կարող է կեղտոտվել ու վնասվել, փոխնորդ հագուստ։ Քարանձավում օդի ջերմաստիճանը 7-8°С է: Այցելության ժամանակ մենք անցնելու ենք հատուկ մշակված մոտ 350 մետր ճանապարհ, որն ընդգրկում է նաև ցածր առաստաղով (բարձրությունը՝ 0,4-0,5 մետր) 30 մետրանոց նեղ անցում: