Համշեն տուր

Լեռներն են կանչում. այս անգամ գնում ենք բարձրանալու տպավորիչ ու յուրահատուկ Արտավազ լեռը։ Փամբակ լեռնաշղթայի ամենագեղեցիկ ու հզոր գագաթներից մեկը պատրաստ է անչափ տպավորելու։ Միասին պարզե՞նք դա: Դե, ի գործ։ Մեր հրաշալի վերելքը սկսելու ենք Կոտայքի Արտավազ գյուղից, որտեղ էլ այն ավարտելու ենք։

Արտավազի վերելքն ու հետ վերադարձն ընդհանուր լինելու է մոտ 7 կմ, հարաբերական բարձրությունը՝ մոտ 1050 մետր, լեռան բարձրությունը՝ 2929 մետր։ Քայլարշավի համար պետք են արշավային կամ որակյալ սպորտային կոշիկ, արշավային կամ հարմարավետ հագուստ։ Նախընտրելի է ունենալ արևապաշտպան միջոցներ (ակնոց, գլխարկ, քսուք), անձրևապաշտպան միջոցներ, արշավային փայտիկներ, փոխնորդ կոշիկ ու հագուստ, մեկ օրվա հաշվարկով սնունդ ու ջուր։