Համշեն տուր

Տավուշի գեղեցկագույն լեռներից Ապակեքարն է մեզ սպասում, որը կհիացնի և՛ իր հրաշալի տեսքով, և՛ լեռան գագաթից բացվող տպավորիչ տեսարաններով։ Ապակեքարը հարմար է վերելքի համար ինչպես սկսնակների, այնպես էլ փորձառուների համար։ Մեր հետաքրքիր քայլարշավը սկսելու ենք Հաղարծին գյուղից և ավարտելու ենք Հովք գյուղում՝ վայելելով անկրկնելի տեսարաններն ու Ապակեքար լեռան գագաթ բարձրանալու հրաշալի հնարավորությունը։ 

Քայլարշավն ընդհանուր լինելու է մոտ 12 կմ, հարաբերական բարձրությունը՝ մոտ 600 մ, լեռան բարձրությունը՝ 1652 մետր։ Քայլարշավի համար պետք են արշավային կամ որակյալ սպորտային կոշիկ, արշավային կամ հարմարավետ հագուստ։ Նախընտրելի է ունենալ արևապաշտպան միջոցներ, անձրևապաշտպան միջոցներ, արշավային փայտիկներ, փոխնորդ կոշիկ ու հագուստ, մեկ օրվա հաշվարկով սնունդ ու ջուր (մեկնելիս ֆուդկորտում դադար լինելու է)։