ՍԱՐԻՂԱՄԻՇ, ԹՐԻՆ, ԶՎԻՆ, ՄԺՆԿԵՐՏ 3 ՕՐ

Քաջաց բերդը, որը հայտնի է նաև Սատանի բերդ անվամբ, իր տեղադրությամբ, պահպանվածության աստիճանով և ճարտարապետությամբ առավել, քան ցնցող է և տպավորիչ։ Քաջաց բերդից հետո Ծովակն Հյուսիսո լճի (Չըլդըր) ափերին մեզ է սպասում ուրարտական արքա Սարդուրիի վիմափոր արձանագրությունը, որն էլ միասին կփորձենք վերծանել։ Մեր ճանապարհը կշարունակենք դեպի Կարս և Սարիղամիշ, որտեղ տեսնելու ենք ցարական Ռուսաստանից ժառանգություն մնացած Նիկոլայի որսորդական փայտաշեն տնակը, որը կոչում են Եկատերինայի տնակ։

Այսօր մեզ է սպասում Սարիղամիշի անտառների սրտում գտնվող լեգենդար Թրին վանքը, որն ունի նաև տպավորիչ ժայռափոր եկեղեցի։ Մշտադալար անտառներով քայլարշավն ու խիստ տարբերվող այս կոթողն ապահովելու են անջնջելի տպավորություններ մեզ համար։ Անկրկնելի Թրինի բացահայտումից հետո մեզ են սպասում Զվին ու Պարտեզ բերդերը, որոնք նույնպես խոստանում են զարմացնել բոլորիս։ Իրապես գեղեցիկ ու պատմությամբ հագեցած օր։

Մեր ուղևորության վերջին օրն էլ է տպավորիչ և հագեցած։ Մեզ է սպասում խորհրդավոր Մժնկերտը, որը միջնադարում ծաղկուն բնակավայր է եղել՝ հայտնի իր քարանձավային տներով ու ժայռափոր բրգաձև եկեղեցիներով։ Մժնկերտում կբացահայտենք տեղի հզոր բերդը, ապա նաև հրաշալի քայլարշավ կունենանք Մժնկերտի կիրճում՝ բացահայտելու ժայռափոր հայկական եկեղեցիները, ինչպես նաև վայելելու աննման գեղեցկությամբ առանձնացող բնությունը։ Հրաշք Մժնկերտից հետո ուղևորվում ենք միջնադարյան յուրահատուկ ևս մեկ բերդ տեսնելու, որը մեր օրերում հայտնի է Քյոռօղլի անվամբ։ Թեթև քայլարշավով կհասնենք բերդին, որի իշխող դիրքն ու կառուցվածքը ցնցող են։ Երևան վերադարձին կճաշենք Կարսում և կավարտենք ևս մեկ բացառիկ ուղևորություն։