ՄԱՐՄԱՇԵՆ, ՀԱՌԻՃԱՎԱՆՔ, ԼՄԲԱՏԱՎԱՆՔ, ԳՅՈւՄՐԻ

Մեր հրաշալի ուղևորության նպատակն է բացահայտել յուրահատուկ Շիրակ աշխարհը՝ իր առանձնացող հրաշալիքներով։ Առաջին կանգառը կանենք տպավորիչ Հառիճավանքում, որն իր ճարտարապետական հորինվածքով և մթնոլորտով կարելի է դասել բացառիկ հոգևոր կոթողների շարքին։ Իսկ հաջորդիվ կուղևորվենք Լմբատավանք՝ հայտնի իր յուրօրինակ և խիստ արժեքավոր որմնանկարներով: Այստեղից կմեկնենք Մարմաշենի հոյակերտ վանական համալիր՝ կառուցված Ախուրյան գետի ձախ ափին։ Իսկ օրվա վերջին կանգառը կլինի կոլորիտային Գյումրիում, որտեղ կունենանք կարճ քաղաքային տուր, ինչպես նաև ազատ ժամանակ վայելելու և զգալու քաղաքի շունչն ու ոգին։