ԴԱՍԱԿԱՆ ԻՐԱՆ 8 ՕՐ

Նախաճաշից հետո սկսում ենք էքսկուրսիան յուրահատուկ Թեհրանում։ Տեսնելու ենք Գոլեստան պալատը, Ազատության հրապարակը, այցելելու ենք Պատմության թանգարան, Բնության կամուրջ ու Իրան մոլ։ Այնուհետև, Թեհրանի ներքին օդանավակայանից թռիչքով կմեկնենք Յազդ քաղաք, որտեղ կգիշերենք ավանդական ոճի հյուրանոցում։

Առավոտյան սկսում ենք մեր հետաքրքագույն պտույտը գեղեցիկ Յազդում։ Տեսնելու ենք Զրադաշտական Լռության աշտարակը, Բահրամ կրակի տաճարը, Դովլաթաբադ այգին, Ջրի թանգարանը, Ամիրչախմախը։ Քայլելու ենք հին քաղաքում ու վայելելու ենք Յազդին հատուկ նռան հյութը պատմական տան տանիքում։ Օրվա երկրորդ կեսին կմեկնենք Շիրազ, որտեղ էլ կլինի մեր գիշերակացը։

Ամբողջ օրը անցկացնելու ենք Շիրազում։ Սկսելու ենք մեր էքսկուրսիան Նասիր Ալ Մոլք մզկիթից, որը հայտնի է որպես վարդագույն մզկիթ։ Կայցելենք Նարինջեստան պատմական տուն, այնուհետև կտեսնենք իրանցի հայտնի պոետ Հաֆեզի դամբարանը։ Կլինենք նաև Քարիմ Խան միջնաբերդում ու Վաքիլ բաղնիքում։ Կունենանք ազատ ժամանակ Վաքիլ բազարում, ապա կգիշերենք Շիրազում։

Մեկնելու ենք Շիրազից դեպի Աքեմենյան Պարսկաստանի ծիսական մայրաքաղաք Պերսեպոլիս, որը միանշանակ տպավորելու է իր այցելուին։ Պերսեպոլիսից հետո կտեսնենք Նաղշե Ռուսթամը, որն Աքեմենյան թագավորների դամբարանն է։ Այնուհետև կմեկնենք Սպահան քաղաք։ Ճանապարհին, ըստ ժամանակի, նաև կարող ենք այցելել Իզադխաստ հին քաղաքի ավերակները։ Գիշերակացը Սպահանում է։

Ամբողջ օրը լինելու ենք անկրկնելի Սպահանում։ Մեր գեղեցիկ պտույտը սկսելու ենք Նոր Ջուղա թաղամասից։ Տեսնելու ենք հայկական Սուրբ Ամենափրկիչ վանքը, որը շլացնում է իր գեղեցիկ ու հարուստ որմնանկարներով։ Քայլելու ենք Նոր Ջուղայի փողոցներով, ապա այցելելու ենք պատմական կամուրջներ՝ 33 ու Խաջու կամուրջներ։ Կայցելենք նաև Նաղշեջահան հրապարակ, Լոթֆոլահ մզկիթ ու ազատ ժամանակ կունենանք Սպահանի շուկայում։ Գիշերակացը Սպահանում է։

Մեկնելու ենք Սպահանից Կարմիր գյուղ՝ Աբիանեհ։ Քայլելու ենք հին գյուղում, ապա մեկնելու ենք Քաշան քաղաք։ Տեսնելու ենք Ֆինա այգին, Տաբատաբայինների տունն ու Աղա Բոզորգ մզկիթը։ Այս ամենից հետո կմեկնենք Թեհրան, որտեղ օդանավակայանին կից հյուրանոցում կգիշերենք ու կպատրաստվենք վերադարձի թռիչքին։