ՀՈՌՈՄՈՍԻ ՏԵՍԱՐԱՆ․ ՋԻՊ ՏՈՒՐ

Անի մայրաքաղաքից մոտ երկու կմ հյուսիս՝ Ախուրյան գետի աջ ափին գտնվող Հոռոմոսի հոյակերտ վանքը հայկական ճարտարապետության ամենախենթացնող ու մասշտաբային կոթողներից է, նաև այն վայրն է, որը եղել է Բագրատունյաց արքայատոհմի դամբարանը։
Այցին Ախուրյանի ափից բավական մոտից կտեսնենք Հոռոմոսի վերին և ներքին հուշարձանախմբերը, միստիկ հաղթակամարը, ինչպես նաև Անին Հոռոմոսի շրջակայքի բարձունքներից։ Կմտնենք սահմանային շերտ ու մեր ամենագնացով կմոտենանք անմիջապես սահմանին՝ Ախուրյանի ափերին, որտեղից բավական մոտ հեռավորությունից կվայելենք Հոռոմոսը, այն էլ՝ երկու տարբեր դիտակետերից։