ՀԻՆ ԱՐՄԱՎԻՐ, ՄԵԾԱՄՈՐ, ՍԱՐԴԱՐԱՊԱՏ, ԱԿՆԱԼԻՃ

Խիստ տարբերվող և առանձնացող այս ուղևորությունը յուրահատուկ տպավորությունների փունջ է: Մեր առաջին կանգառն Արմավիրի Ակնալիճ գյուղում է, որտեղ մեր այցելելիք վայրերից է Ակնա լիճը, որը հայտնի է նաև Այղր կամ Մեծամորի լիճ անուններով և մեր Հայրենիքի յուրահատուկ անկյուններից է ու բնության հրաշալիք։ Ակնալիճում մենք կայցելենք նաև յուրահատուկ ճարտարապետությամբ աչքի ընկնող եզդիական ամենամեծ տաճարն աշխարհում: Միևնույն ժամանակ, կծանոթանաք մեր եզդի հայրենակիցների կրոնին և մշակույթին։ Այնուհետև, մենք կուղևորվենք Մեծամոր, որտեղ կայցելենք Մեծամորի թանգարան՝ բացահայտելու հազարամյակների պատմությունն ու ցուցանմուշները, կտեսնենք Մեծամորի բերդը: Հաջորդիվ կլինենք Սարդարապատի հերոսամարտի հուշահամալիրում, ուր գնալիս տեղափոխվում ես մեր պատմության հերոսական օրեր և վայելում հրաշալի մտահղացմամբ ու հարուստ խորհրդանիշներով առանձնացող այս մոնումենտալ կոթողը։ Եվ ծրագրի վերջում կայցելենք Հին Արմավիր հնավայր՝ ծանոթանալու մեր պատմության ամենահին էջերից մեկին, և Արարատյան դաշտի սրտում վեր խոյացող բարձունքը հաղթահարելուց հետո կվայելելենք հրաշք տեսարանները ու պատմական կոթողները հայոց երկրորդ մայրաքաղաքում: Համաձայնեք, որ իրապես առանձնացող ուղևորություն է: