Gayane Manukyan September 24, 2020

Համշեն տուր - Համշեն տուն` առնվազն մեկ ճամփորդություն ու դու դառնում ես...

Gayane Manukyan September 24, 2020

Համշեն տուր - Համշեն տուն` առնվազն մեկ ճամփորդություն ու դու դառնում ես էս մեծ ընտանիքի մի մասնիկը: Բանիմաց ու գրագետ, պատրաստակամ ու կամեցող, հայրենիքը սիրող ու արարող, մարդուն հիշարժան ու անպատմելի օրեր պարգևող ընտանիք: Գևորգ Պետրոսյանն իր թիմով անասելի պատվաբեր գործ է կատարում: Հայրենիքիդ ամեն մի անկյունը նորովի ես ճանաչում ու շատ շատ սիրում, հայտնվում ես իրավիճակներում ու հասկանում, որ կողքիդ քեզ պաշտպանող ու սիրող մարդիկ են: Ուղղակի շնորհակալություն ճամփորդության, էքստրեմալ իրավիճակներում հայտնվելու և պատվով դուրս գալու, լիքը վախեր հաղթահարելու ու բարձունքում կանգնելու համար.... Իսկ հիմա Աշոտի մասին.... Մարդկային կարևորագույն որակների ամբողջություն` հավատարիմ, հարեհաս, ժպիտ ու ջերմություն, մաքուր ու զուլալ շփում, նրբանկատ ու գնահատող:

Ես ձեր հավատարիմ ճամփորդողն եմ.....

Liana Karapetyan February 12, 2020

Շատ սիրելի դարձած "Համշենտուր", նոյեմբերին Ձեր շնորհիվ իրագործեցի...

Liana Karapetyan February 12, 2020

Շատ սիրելի դարձած "Համշենտուր", նոյեմբերին Ձեր շնորհիվ իրագործեցի ամենանվկրական երազանքներիցս մեկը՝ ճանապարհ ընկա դեպի տուն, դեպի մեր էրգիր... Հրաշալի ճամփորդություն էր՝ լի էմոցիաներով, հիացմունքով ու ցավով, նաև հարուստ ինֆորմացիայով, որ խմբին ամենայն նվիրումով ու պատասխանատվությամբ փոխանցում էր զբոսավար Լյուդմիլան։ Հենց նրա շնորհիվ նաև, մի ուրիշ տեսակ սիրով ու կարոտով եմ հիշում մեր ուղևորությունը։  Ուզում եմ վստահեցնել Ձեզ, որ իմ շատ սիրելի Լյուդմիլան քայլող գովազդ է "Համշենտուրի" համար։ Պատահական չէ, որ անհամբեր սպասում եմ հաջորդ ուղևորությանս ու դարձյալ Ձեզ հետ։ Շնորհակալ եմ հարուստ հիշողությունների ու Լյուդմիլայի ոչ միայն պրոֆեսիոնալ աշխատանքի, այլև նրա՝  խմբի անդամներից յուրաքանչյուրի հանդեպ ուշադրության ու հոգատարության համար... Օրերը տաքանան, անպայման կհանդիպենք 

Սիրով՝ Լիանա Կարապետյան

Lilit Pertosyan January 05, 2020

Այ սա էր հեքիաթային ամանորը... Երբ կտրվում ես <<ավանդական>> խոզի բդից...

Lilit Pertosyan January 05, 2020

Այ սա էր հեքիաթային ամանորը... Երբ կտրվում ես <<ավանդական>> խոզի բդից, ամանորյա թոհուբոհից եւ վայելում ԷՐԳՐԻ մաքուր օդը, քայլում  պատմական հողի վրայով, բարձրանում դարերի պատմությունն իրենց մեջ <<համեստորեն>> թաքցրած բերդերը եւ հասկանում, որ քեզ համարել ես հայրենասեր, բայց քանի դեռ չէիր տեսել այս ամենը, իրականում ոչինչ չգիտեիր հայրենիքիդ մասին։ Հասկանում ես, որ դա դառնում է վարակիչ եւ այսուհետ <<առիթը>> բաց չես թողնելու կրկին անգամ այդ հրաշալիքները տեսնելու համար, կրկին անգամ վերապրելու այն զգացմունքները, որոնք աշխարհում ոչնչի հետ չես փոխի։ Այս հրաշալի, անմոռանալի օրերը չէի ապրի, եթե չլիներ Hamshen Tour-ը, շնորհակալ եմ Ձեզ  աղջիկներ՝ Սոֆիա Հակոբյան, Nadia Hovhannessian Ձեր կատարյալ <<աշխատանքի>> համար, շնորհակալ եմ Ձեր հարուստ գիտելիքները մեզ փոխանցելու համար, չեմ ուզում շատ խոսել, քանի որ նույնիսկ բառերը <<արժեզրկում>> են զգացածս... սա կատարյալ Ամանոր էր, նմանը վստահ եմ չեմ ունենալու եւ միանշանակ դեռ երկար եմ ճամփորդելու Hamshen Tour- ի հետ...

karine danielyan December 18, 2019

Ասում են՝ երազանքները իրականալու միտում ունեն. մի բան, որ շատ ես ցանկանում...

karine danielyan December 18, 2019

Ասում են՝ երազանքները իրականալու միտում ունեն. մի բան, որ շատ ես ցանկանում, դառնում է իրական։ Այդպիսի մի երազանք էլ ես ունեի՝ գեթ մեկ անգամ լինել մեր Պատմական Հայրենիքի որոշ վայրերում։ Եվ ես Համշեն  տուրի օգնությամբ իրականացրի երազանքս։ Մեր խմբին ուղեկցում էր բանիմաց, խելացի մեր Անժելան, որը դարձավ մեր բոլորիս սիրելին։ Զգացողությունները տարբեր են: Անի. երբեմնի հզոր քաղաքից ավերակ մնացած եկեղեցիները, պարիսպները և այլ շինություններ դեռևս իշխում են շրջապատի վրա։ Անին՝ այդքան հեռու, բայց նաև մոտ։ Կարսի հիրավի անառիկ բերդ, որը ցավոք հանձնել են։ Իսկ բերդի ստորոտում կանգնած է վեհաշուք Սուրբ Առաքելոց եկեղեցին, բայց ներսից՝ վերքոտ (օգտագործում են որպես մզկիթ)։ Անկրկնելի է Վանա լիճը իր փիրուզագույն ջրերով։ Ախթամար կղզին և նրանում գտնվող՝ հրաշք զարդաքանդակներով Սուրբ Խաչ եկեղեցին։ Շքեղ Բերրկրի ջրվեժը, Արաքս գետը, Արածանի գետը, որի վրա կառուցված է Սուլուխի կամուրջը՝ քարե մի գեղեցիկ շինություն։ Այս ամենի հետ միասին տխրում ես, որ դու հյուր ես այդտեղ՝ Էրգրում, բայց վերադառնալուց հետո զգում ես՝ կարծես մի մասնիկդ թողել ես այնտեղ։ Ես փորձեցի իմ զգացողությունների մի փոքր մասը նկարագրել։ Շնորհակալություն Համշեն տուրին։ 

Հ.Գ. Տեսնելով կորցրածդ՝ ավելի շատ ես գնահատում ունեցածդ։

You have not chosen any tour yet