ՀԱՄՇԵՆ ԵՎ ՀԱՄՇԵՆԻ ՅԱՅԼԱՆԵՐ 4 ՕՐ
Դրախտային Համշենի անհաշվելի հրաշալիքներից ընտրել ենք Ձեզ համար ամենահեքիաթայիններն ու ամենակախարդականները։ Գնում ենք բացահայտելու Համշեն աշխարհի սաղարթախիտ անտառները, խենթացնող ջրվեժները, տպավորիչ լեռները, արագահոս գետերը, կանաչի ամենաշքեղ երանգները։ Բացառիկ այս ուղևորության ընթացքում ոչ միայն կտեսնենք Համշենի հիմնական տեսարժան վայրերը, ինչպիսիք են Մանջունայի և Բալահովտի ջրվեժները, Զիլ ամրոցը, համշենյան կամուրջներն ու տնակները, այլ նաև կայցելենք չորս անսահման տպավորիչ յայլա (բարձրադիր ամառանոց)՝ ամպերի ծովերով հայտնի Հյուսեր, կանաչի ամենագեղեցիկ երանգներով պարուրված Փոքութ, խորհրդավոր Սալ և համշենաշունչ Այդեր յայլաներ։ Բացի այդ, այս օրերին կգիշերենք Սև ծովի ափին։ Գեղեցկագույն ուղևորություն՝ զուգորդված շքեղ բնությամբ և պատմական հարուստ ժառանգությամբ։
Առաջիկա մեկնումներ՝
Դեռ նախատեսված չէ
Մեկնում՝ 06:00,
ժամանում՝ 23:55,
հասցե՝ Թումանյան 8
Գինը՝ 129000 դրամ
Ներառում է`
բարձրակարգ միկրոավտոբուսը (Mercedes Sprinter)
3* և 4* հարմարավետ հյուրանոց (երկտեղանի համարներ)
2 անգամյա որակյալ սնունդ (ընտրովի ճաշացանկ)
պրոֆեսիոնալ գիդի ծառայությունը (հայ թուրքագետներ)
բոլոր տեսարժան վայրերի մուտքի տոմսերը
Չի ներառում`
Թուրքիայի մուտքի վիզան՝ ՀՀ քաղաքացիների համար 15 000 դրամ, այն պատրաստում է մեր ընկերությունը
Ծրագիր
ՕՐ 1 | ԴՐԱԽՏԻ ԴԱՐՊԱՍՆԵՐԸ
մեկնում՝ Երևան-Գյումրի-Ախալքալաք-Կարծախ [Վրաստան]
Դրախտի դարպասներ
Սև լիճ (Շավշատ)
Տբետի վանք
Շավշատի բերդ
Բորչկայի գավառակ
Ճոխ Ճորոխ
ընթրիք Հոպայում
գիշերակաց՝ Հոպա կամ ԱրհավիԱնցնելով Բավրայով և Ջավախքով՝ մուտք կգործենք լեռնային Արդահան: Մեր առաջին կանգառը կլինի Դրախտի դարպասներում, որտեղից կվայելենք Շավշատի անտառների և Պոնտական լեռների շունչ կտրող տեսարանները։ Նախ ճամփա կբռնենք դեպի Շավշատի գեղատեսիլ անտառների հրաշալիքներից Սև լիճը, որը չի կարող անտարբեր թողնել ոչ ոքի: Սև լճից հետո Շավշատում կայցելենք Բագրատունիների կառուցած վեհաշուք տաճարներից Տբետը, ապա կտեսնենք նաև տեղի հայտնի բերդը՝ կառուցված Բագրատունիների կողմից, ինչպես և բերդի բարձունքից կվայելենք շրջակայքի հրաշագեղ բնությունը: Մեզ է սպասում նաև այդքան սիրված Ճոխ Ճորոխ դիտակետը․ վայր, որտեղից բացվում է ամենագեղեցիկ տեսարաններից մեկը։ Գիշերակացն էլ Սև ծովի ափին է։
ՕՐ 2 | ԱՄՊԵՐԻՑ ՎԵՐ
նախաճաշ հյուրանոցում
Ֆուրթունա գետի կիրճ
Չամլիհամշենի ջրվեժ
Այդերի Ամպիկ ջրվեժ (թեթև քայլարշավ)
ճաշ Այդերում
Այդեր յայլա
Հյուսեր յայլա
գիշերակաց՝ Հոպա կամ ԱրհավիԱռավոտյան Սև ծովի հրաշալի տեսարանին նախաճաշելուց հետո կուղևորվենք դեպի Ֆուրթունա գետի կիրճ, կտեսնենք Չամլիհամշենի չքնաղ ջրվեժը, գեղեցիկ ու ոչ բարդ քայլարշավով կհասնենք անսահման գեղեցիկ Ամպիկ ջրվեժին և կուղևորվենք Այդեր՝ վայելելու համշենյան ուտեստները, ապա նաև բացահայտելու այս ֆենոմենալ վայրը։ Այդերից հետո կուղևորվենք անչափ տպավորիչ Հյուսերի յայլա, որտեղ հաճախ է հանդիպում ամպերի ծովը, որը, հուսանք, կվայելենք միասին, ինչպես նաև կվայելենք գեղեցկագույն տեսարաններով ճոճանակները։
ՕՐ 3 | ՀԵՔԻԱԹ, ԹԵ՞ ԿԱԽԱՐԴԱՆՔ
նախաճաշ հյուրանոցում
Սալ յայլա
Փոքութ յայլա
Չինչիվայի կամուրջ
պիկնիկ բնության գրկում
Զիլ ամրոց
Բալահովտի ջրվեժ
գիշերակաց՝ Հոպա կամ ԱրհավիՄեր դրախտային ուղևորության հերթական օրը մեզ են սպասում երկու հեքիաթային յայլաներ՝ Սալը և Փոքութը, որոնցից դժվար է լինելու բաժանվել։ Այստեղ կանաչի բոլոր երանգներն են տեսանելի, իսկ համշենյան փայտաշեն տներն ուղղակի կախարդանքի կվերածեն մեր տեսարանները։ Բնության այս հրաշալիքները լիարժեք վայելելուց հետո կուղևորվենք տեսնելու Չինչիվայի հայտնի կամուրջը, կբացահայտենք Զիլ ամրոցը, որը կարծես հեքիաթից լինի, ինչպես նաև կվայելենք Բալահովտի հզոր ջրվեժը, որը խենթացնող է։ Կատարյալ օր։
ՕՐ 4 | ԿԱՆԱՉԻ ԱՇԽԱՐՀՈՒՄ
նախաճաշ հյուրանոցում
Զույգ կամուրջներ
Մանջունայի ջրվեժ (քայլարշավ)
ճաշ Արդահանում
Արդահան. Կուր (Քուռ) գետ և Արդահանի բերդ
վերադարձ՝ Արդահան-Ախալքալաք-Գյումրի-Երևան:Համշենյան Զույգ կամուրջները մեզ են սպասում։ Թավ անտառների գրկում թաքնված իրարից անբաժան Զույգ կամուրջները բացահայտելուց հետո ժամանակն է քայլել դեպի Մանջունայի անչափ տպավորիչ ջրվեժ, որին հասնելու համար անտառային աննկարագրելի գեղեցիկ քայլարշավ կունենանք։ Այնուհետև, ճանապարհ կբռնենք քաջաց քաղաք Արդահան, որտեղ կտեսնենք տեղի պատմական բերդն ու Կուր գետը։ Եվ միայն այս ամենից հետո կարելի է մտածել վերադարձի մասին։
Տուրի քարտեզ
